مروة صبري تهاجم مها أحمد بسبب الشحاتة لايف: أنتي بتمسحي تاريخك بـ«أستيكة» (فيديو)

شنت الإعلامية مروة صبري، هجوما على الفنانة مها أحمد، بعد قيام الأخيرة في الدخول في تحديات عبر منصة تيك توك.

وقالت مروة صبري خلال برنامجها قعدة ستات: «الممثلين اللي بيطلعوا في تحديات، أنتوا مين؟، بجد أنتوا مين؟، أنتوا لا تنتموا للفن المصري، أنتوا لا تنتموا للفن أصلا».

مروة صبري

وأضافت مروة صبري: «كان في فيديو لشخص طالع مع مها أحمد في تحدي على لايڤ تيك توك، وبيقول لها واضح الفن ما بيأكل عيش، فهي قالت له: الفن لا يأكل عيش، إحنا طالعين نشحت ونتسول على التيك توك واللايف، أنا طالعة أكسب علشان مابيجيليش أدوار».

وواصلت مروة صبري كلامها: «هو ده ينفع، حتى وإن كانت دي نيتك هل ينفع تطلعي تقولي كده، كفاية يا جماعة شماعة الفن اللي أنتوا قاعدين تعلقوا عليها أخطائكوا والكوارث والمصايب اللي أنتو بتعملوها، أنتوا بتهينوا الفن».

وختمت مروة صبري كلامها، قائلة: «أنتي لو عملتي دورين تلاتة وسايبين علامة مع الناس أنت كده بتخسريهم، أنت بتمسحي تاريخك بأستيكة، ومها أحمد اسم مش قليل، مها نجمة من النجوم ولما تطلعي تقولي الفن مبيأكلش عيش وإحنا طالعين نشحت، حتى لو ده بيحصل أعملي أي حاجة تانية إلا إنك تظهري بالمشهد ده قدام الناس».

اقرأ أيضاًبعد خناقه التيك توك.. إنذار رسمي لنقيب الممثلين بتحاليل مخدرات لـ مها أحمد وفادي خفاجة

ردت بألفاظ بذيئة.. مها أحمد تخرج عن شعورها في لايف على «تيك توك»

المصدر: الأسبوع