ماما نجوى تندم على إعلان مرضها بالسرطان وترد على رواد السوشيال ميديا
تاريخ النشر: 24th, November 2023 GMT
فاجأت الإعلامية نجوى إبراهيم المستمعين أثناء ظهورها ببرنامجها الإذاعي "بيت العز" بإصابتها بمرض السرطان وخضوعها للعديد من العمليات الجراحية، وذلك بعد تعرضها لانتقادات عديدة علي السوشيال ميديا، لتتفاجيء بعدها برد فعل غير متوقع جعلها تبكي.
كشفت " ماما نجوى " عن تأثرها بالدعوات التي تلقتها بعد تصريحها بإصابتها بمرض السرطان، قائلة خلال برنامجها: " الأسبوع اللي فات أنا حسيت إني غلطت جدا، لأن أنا مش من النوع اللي بيشتكي بس أنا روحت فضلت أعيط يومين ثلاثة أبكي من كمية الدعوات اللي جاتلي ".
واستكملت نجوى إبراهيم حديثها: " وفضلت أقول أنا ليه أنكد عليكم كل واحد فيه اللي مكفيه وليه أطلع أقول كدا ما الموضوع دا بقاله شهرين ثلاثة وبجري فيه لوحدي أنا وأولادي وزي ما أنا زعلت أنا برضو كنت فرحانة علشان فضفضت لأن أحلى حاجة إن الواحد يفضفض مع القريب منه مع العارف اللي هو بيحبه ".
ماما نجوى تخرج عن صمتها وترد على منتقديها
ردت الإعلامية القديرة نجوى إبراهيم على منتقديها خلال الأسبوع الماضي عبر برنامجها، حيث تلقت بعض التعليقات الهدّامة لاهتمامها بمظهرها وحرصها على الظهور على الشاشة رغم كبر سنها، قائلة: " أول مرة أقرأ كومنتات كتير جدًا على حاجة نزلت، يا نهار أبيض على اللى اتقال، ما تروحوا يا جماعة تتعالجوا.. إنتوا عايزينى أعتزل؟ ما ضرورى الواحد يعتزل هو هيقعد طول العمر يكلمكم؟ ممكن أعتزل الأسبوع اللى جاى لإنى اتخنقت مش عمر آخر عمر الواحد ياخد ده كله بالراحة على نفسكم".
وتابعت: " الناس بتستكتر على غيرها الابتسامة وليه لازم كل الناس اللى بتضحك يبقى عندها ملايين؟ ما تقولوا الحمد لله.. يا رب أبقى زيه وباسم الله ما شاء الله، ومن شر حاسد إذا حسد، انتو إيه اللى يريحكم أعتزل ".
نجوى إبراهيم تصاب بالسرطان وتترقب الموت
واختتمت نجوى إبراهيم حديثها لتكشف عدم استقرار حالتها الصحية وإصابتها بمرض خطير قائلة: " إيه اللي يريحكم طيب إني اعتزل؟ قولولي.. طب أنا عندى 80 سنة وغلبانة وعيانة وعندى سرطانات وعاملة 7 آلاف عملية وهعتزل وهموت قريب.. هل دا يفرحكم؟".
المصدر: بوابة الوفد
كلمات دلالية: نجوى إبراهيم الإعلامية نجوى إبراهيم ماما نجوى نجوى إبراهیم ماما نجوى
إقرأ أيضاً:
رمضان يعني ماما
قامت إحدى الشركات باختيار جملة "رمضان يعني ماما" شعارًا لإعلان عن منتجاتها، وأثارت الجدل في المجتمع بسبب ذلك، فالبعض يرفض الشعار لأنه يسبب ألمًا لكل من يعاني فراق أمه سواء بالبعد أو الموت، والبعض يراه جميلا ويحمل تقديرا لما تبذله الأم من جهد، وآخرون يرونه مبهجا.. .إلخ
في رأيي أن الشعار حقيقي تماما "رمضان يعني ماما"، والواقع إن مش بس رمضان اللي يعنى ماما وإنما الحياة كلها تعني ماما.
ذكرني الإعلان بكل رمضان عشته مع ماماتي، كنت باحب قعدة البيت في رمضان، لازم أرجع البيت قبل الفطار ولا أغادره إلا صباح اليوم التالي رافضة كل دعوات الإفطار أو السهرات الرمضانية، الفطار في البيت مع الأسرة متعة لا أرضى عنها بديلا، أكلات ومشروبات من إيد ماما معمول بكل حب واهتمام ونظافة، صواني الكنافة المشهورة بها، والقطايف اللى كنت باصمم تعملي شوية منها بالجبنة، ده غير البقلاوة والجلاش الحلو وغيرها من أنواع الحلويات اللي كانت تتفنن في إعدادها، وكان طعمها أحلى من أي منتج جاهز.
الأجواء الروحانية من صلاة وصيام وقراءة قرآن، حديث الشعراوي قبل المغرب، ثم تلاوة قرآنية، ومدفع الإفطار اضررررررب.
جلسة أسرية هادية وجميلة أدام التلفزيون لمتابعة المسلسلات، ومناقشة أحداثها، وانتظار الحلقات القادمة، بدء استقبال الضيوف وإقامة الولائم والعزومات بعد الأسبوع الأول من رمضان، والسهرات البيتوتية الدافئة بمشاعر الحب والرضا والطمأنينة.
وطبعا وقت السحور مع طبق الفول البيتي السخن واللى عليه كل التحابيش المطلوبة، والمخللات المتنوعة، واللي مش ممكن يغيب عن مكانه جنب أي أصناف تانية من الأكل جبن بيض زيتون.. .إلخ باختصار مفيش سحور من غير فول.
صلاة الفجر، والاستعداد للنوم ساعات قليلة قبل بدء يوم جديد، الله يرحمك ويغفر لك ويعفو عنك يا ماماتي ويجازيكي خير عن كل جهد بذلتيه عشان تفرحينا، ويطعمك من طعام أهل الجنة.
برعاية منصور بن زايد.. ختام ناجح للبطولة الرمضانية لجمال الخيل العربية