بعد مهاجمتها.. أيتن عامر: من حقي أفرح بشغلي ومش ناسية القضية

أعربت الفنانة أيتن عامر عن دهشتها لانتقادات وهجوم يتعرض له الفنانون كلما أعلنوا عن عمل فني، أوشاركوا منشورا عن أعمالهم.

كانت أيتن عامر شاركت جمهورها ومتابعيها مجموعة صور لها من كواليس تصوير فيلمها الأخير بولومندو الذي يعرض في السينمات المصرية حاليا، وتتعاون فيه إلى جانب الفنان حسن الرداد، وذلك عبر حسابها الرسمي بموقع تبادل الصور والفيديوهات انستجرام، معلقة عليها: صباح الخير قلت انزل صورة من الفيلم اللى فى السينما دلوقتى بما إن الناس اللى شافته عاجبها و بتبعتلي مبسوطة أن الفيلم عجبكم.

وبمجرد نشر الصور تعرضت أيتن عامر لهجوم عنيف من قبل الجمهور، حيث كتبت متابعة لها: ايتن أنا عارفة انك لن تتقبلى كلامى بس انتى بجد بعد انفصالك واحوالك انقلبت ١٨٠ درجة لمجرد شخص خذلك أو خان العهد معاكى، عايزة تبينى للناس وليه ولمعارفه انك قوية وتخطيته الأزمة، انتى حرة، لكن فلسطين ليست بعد حرة ارجوكى احترامى مشاعر الحزن على اخواتنا فى فلسطين شكرا.

وشاركت أيتن عامر مقطع فيديو عبر حسابها الرسمي بموقع «إنستجرام»، قائلة: « مش معنى أننا بنعمل دعاية لشغلنا أننا كدة ناسيين القضية الأساسية اللي كلنا بنتكلم عنها، وانا بقالي شهر ونص بتكلم عن الكوارث اللي بتحصل هناك والاكوانت بتاعي كان هيتقفل بسبب الحاجات اللي بنشيرها طول الوقت».

أيتن عامر

وأضافت: «زي ماحنا مؤمنين بالقضية بيصعب عليا أوي لما أشوف حد مننا بيعلن عن شغله والناس بتهاجمه وتقوله انت مش حاسس بالناس وانت معندكش دم والكلام ده، كلنا متأثرين بس ردود أفعالكم غريبة شوية ده شغلنا ودي طبيعته والإعلان عن شغلنا جزء من عقودنا فليه تهاجمونا أننا بنعلن عن شغلنا وبنمارسه».

وتابعت: «انا مش شايفة أن ده سبب منطقي ابدا احنا ممكن تهاجم حد مبيدعمش القضية خالص ومبيتكلمش عنها.. مينفعش أقول لحد ما تروحش شغلك ومتعلمش وجباتك ومتلتزمش بعقودك بس أقدر اقوله انت ليه متلكمش واعتقد الكلام عن القضية دي حرية شخصية اللي عايز يتكلم يتكلم واللي مش عايز ميتكملش ومش معنى أننا بنعلن عن شغلنا أننا بنشغل الرأي العام عنها».

اقرأ أيضاً«موقفي سليم».. ايتن عامر تكشف حقيقة موقفها من الضرائب

«عملت خير».. آيتن عامر تحقق نجاحات ساحقة بأغنيتها الجديدة (فيديو)

«الست بتحلو لما تحب نفسها».. رسالة غامضة من آيتن عامر لرضوى الشربيني

المصدر: الأسبوع