غنّى مع سعاد حسني.. كيف أصبحت ملامح صياد «صغيرة على الحب» بعد 57 عاما؟
تاريخ النشر: 21st, November 2023 GMT
بملامح مميزة خطف الأنظار إلى جانب السندريللا، ووقفا سويًا يغنيان في أوبريت «الحلوة لسة صغيرة»؛ الصياد في فيلم «صغيرة على الحب»، هكذا اشتهر الفنان حسن خليل، الذي عاد ذكره مجددًا بعد مرور 57 عامًا على عرض الفيلم، ليكون ظهوره مفاجئًا يروي فيه كواليس الأوبريت وإشادته بعزيمتها وتطور حركتها الاستعراضية خلال لقاء تلفزيوني سابق.
تبدلت ملامح الشاب الوسيم بملامح رجل كبير في الثمانينيات من عمره، ومع ذلك ترتسم على وجهه ابتسامه هادئة يقف إلى جوار شابه صغيرة في أواخر العشرينيات، هكذا انتشرت صورة الصياد الوسيم الفنان حسن خليل الذي وقف يغني بجانب سعاد حسني في فيلم «صغيرة على الحب»، وناداه الجمهور بـ«ياعم يا صياد» وعلى الرغم من أن دوره كان صغيرًا في الفيلم إلا أنه كان مميزًا لوقوفه بجانب السندريللا، وصوته الجميل.
وقبل انتشار صورته عبر منصات التواصل في الساعات القليلة الماضية، كان لـ«الصياد» الفنان حسن خليل لقاء تلفزيوني سابق تحدث فيه عن كواليس أوبريت «الحلوة لسة صغيرة».
عاطفة شديدة واحترام كبير ظهرا في حديث الفنان حسن خليل عن السندريللا سعاد حسني، قال: «أنا ممكن أبكي وانا بتكلم عنها، أنا اتعاملت مع ناس كتير وشاركت في أفلام كتير استعراضية ناجحة وبشتغل فن من 56 لحد دلوقتي، إنما مع سعاد رحمة الله عليها فيها شيء غريب جدًا أول حاجه بتحفظ من أول مرة، حافظة مسافات الطبيعة في الجسم اللي ربنا ادهالها، عندها قوة ذاكرة وقوة توافق عضلي عصبي رهيب، كان عندها عزيمة رهيبة، وفكر فني وبتتعلم لوحدها بشكل عظيم»، وعن إعادة ذكره بين الجمهور قال: «أنا ببقى فرحان اوي لما الناس يفتكروني ويقولولي يا عم يا صياد، وقت الفيلم كنت معيد وعندي 27 سنة».
المصدر: الوطن
كلمات دلالية: صغيرة على الحب سعاد حسني حسن خلیل
إقرأ أيضاً:
سعاد تطلب الخلع: فقير في المشاعر ومابيعرفش يقول كلام حلو
وقفت سعاد أمام محكمة الأسرة في الكيت كات طالبة الخلع من زوجها بعد زواج استمر عام ونصف، ولم تكن تعلم حينها أن نهايتها ستكون أمام محكمة الأسرة.
وسردت سعاد قصتها مع زوجها قائلة «لما كان عمري 25 سنة كنت شغالة في شركة ومكنتش بفكر في الجواز ساعتها، ومع مرور الوقت ولما بقى عمري 27 سنة كان في واحد زميلي في الشركة كنا زي الأخوات وبنتكلم مع بعض في الشغل وساعات يتصل بيا ويحكيلي مشاكله ونحلها مع بعض، ومع الوقت بقينا قريبين لبعض جدا، حتى أن كل حاجة كنا بنحكيها لبعض وياخد رأي، وبعد سنة من معرفتي بيه طلب أنه يتقدم لي في البيت».
وقالت سعاد عن قصتها مع زوجها «جه البيت وقعد مع بابا واتفق معاه على كل حاجة وقال أنه عنده شقته في الجيزة وهيتجوز فيها وأنه عايز يتجوز في فترة صغيرة، لأن محمود مكنش عايز فترة خطوبة طويلة، وفعلا بابا وافق واتفقنا على الخطوبة ونزلت أنا وهو واشترينا الدهب، وعملت خطوبة في البيت، وبعد 5 شهور كان ميعاد الفرح، وعملنا فرح كويس واتجوزته ومكنش في بالي أنه مش بيقول كلام حلو ولا بيقولي وحشتيني ولا أي حاجة، وكنت بقول لنفسي يمكن بيتكسف أو عشان مكلمش ولا واحدة».
وتابعت سعاد عن قصتها «بعد الجواز محمود كان بيعمل كل حاجة كويسة عشان يخليني مبسوطة بس للأسف الحلو ما بيكلمش مكنش بيقول كلمة حب واحدة، حتى أني عمري ما سمعت منه بحبك، وده كان بالنسبة لي حاجة مش طبيعية بس كنت بقول لنفسي معلش ما هو بيجيب لي كل حاجة عايزاها ومش بيحرمني من حاجة، والدنيا ماشية، بس كان عندي مشكلة تاني أن حتى العلاقة الزوجية لما يتحصل بيني وبينه، بتكون كأنها حاجة بيعملها في البيت وخلاص، يعني من غير إحساس ولا مشاعر، ودي مش حاجة عادية يعني بين الأزواج».
واختتمت سعاد قائلة «بعد حوالي سنة وكام شهر من الجواز، قعدت مع محمود في يوم وطلبت منه أنه يحاول يقول كلمة حلوة أو أنه يكون رومانسي لكن بردو معرفش، ولا عبرني، ولا حتى قالي هحاول عشانك وده عمل مشكلة بيني وبينه، وحاولت معاه وكنت بحاول أغير من طريقته معايا بس معرفتش وفي الأخر بعد سنين جواز طلبت منه الإنفصال لكن هو رفض وروحت محكمة الأسرة في الكيت كات ورفعت قضية خلع».
آخر إيرادات فيلم الهوى سلطان بالسينمات المصرية