أول تعليق من تامر عاشور بعد هجوم عمرو مصطفي واتهامه بسرقة ألحانه

خرج الفنان تامر عاشور عن صمته، ورد على الإتهامات التي وجهها له الفنان والملحن عمرو مصطفى، بسرقة ألحانه.

أخبار متعلقة

تامر عاشور عن سارة الطباخ: منتجة الفنكوش (فيديو)

بعد اتهامه بسرقة لحن «رقصة».. رامي صبري لعمرو مصطفى: «ربنا يهديك.. ولو ركزت معاك هقاضيك»

عمرو مصطفى يتهم رامي صبري بسرقة لحن «رقصة» في أغنية «يمكن خير» (فيديو)

وشارك تامر عاشور منشورا عبر حسابه الرسمي بموقع التواصل الإجتماعى «فيس بوك»، قائلا: ردًا على عمرو مصطفى، أغنية «الرك على النية» ،ألحان عمرو مصطفى وف أي حفله ومكان بقول كده والملحن اللي باعهالي المُقتَبِس الحقيقي .

وأضاف: «عمرو مصطفى مجبش سيرته نهائي مش عارف إزاي مع أنه عارفه من ٨ سنين لما قفلنا الموضوع ده انا وهو في مكالمتنا مباشرة ، وبعدين انا مالي ده صِراع مُبدعين ويقدر ياخد حقه قانوني ويوقفها محدش منعه أنا أداه على كلامه ده غير إن الاستعانه بعمرو مش صعبة واشتغلنا مع بعض أغنية انطق.

وتابع: «كل الحكاية إنه معرفش يجاوب على السؤال، الصناعة انهارت ازاي وانت عمود من عمدان الصناعة؟ السؤال اللي مش هتلاقي له إجابة مهما توّهت الناس اللي كلهم قالولك أنك مجاوبتش بمنتهى الوعي.. وانا الحقيقه كنت مُنتظر إجابتك علشان اقولك الصناعة فيها كام عمود وكام مُطرب عمل تاريخ وعلامات من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك».

واستكمل تامر عاشور قائلا: «احترمتك أو على حد قولك أن تامر وهو بيكلمني كان واقف كدهو، طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن أن فيه حد عموما احترمك وكأنه حدث جلل لأستاذ كبير زيك، في النهاية انت مُلحن كبير مقاما وفنّا وإضافه لأي مُطرب غيري- هي الظروف حكمت كده ولا تاريخي فيه عمرو والعكس صحيح- ومش هفوت الفُرصة دي إلا وأشكر كل الفنانين الكِبار المصريين المبدعين شعراء ملحنين موزعين اللي اتشرفت بالعمل معاهم على مدار ٢٠ سنة، وحطوني في مكانه، أنا مكنتش أحلم بيها وسط الجمهور العربي كله اللي بنحاول نقدمه ابداع حقيقي مهما ذادت بنّا المناواشات الوارده التي لا تتخطى حاجز الأدب والصداقة والمحبة والود ولمصلحه نجاحنا واستمراريته بفضل الله ثُم فضلكم — اشكر اعظم فرقه موسيقيه بشتغل معاها جوه وبره مصر اللي بيخلوني قادر على التصدير الدائم والمختلف للفن المصري الرائع بحضوري كفرد من تلاميذ لأساتذة كبار حقيقيين».

وأضاف تامر عاشور: أشكر مَصر حبيبتي فعلا بدون إدّعاء ولا مُزايده ولا حتى اغاني- جمهورها اللي على كل الاذواق اللي بيسمعوا كل حاجة، وكل لون وكل خَبط ورزع وفي الآخر ياخدوا الحلو ويعيش معاهم ويصدروه- ويرموا الوحش وباب النجاح لأي فنان عربي، أشكر بلدي السعودية، وجمهورها اللي ضاف لتاريخي واسمي وتشكيل كيان محترم لحفلات عالمية حرفيا ومش من مرة واحدة بدأت هناك خطوات ومجهود وتعب ومُسانده وهكذا».

واختتم عاشور حديثه قائلا :«وذلك إلى أن تمت النجاحات الكبيره الحمد لله ومنها إلى كل الدول العربية اللي أعشق جماهيرهم وحبهم للفن المصري عموما الموضوع كبير قوي يا أستاذ عمرو تيجي حضرتك يا أستاذ في الآخر تقول عليا إني مثل حي لإستباحة جُمل لحنيه لناس عايشة بالباطل، وعايز بعيونك الحلوة دي تشوف خير في الصناعة ؟».

تامر عاشور الفنان تامر عاشور تامر عاشور وعمرو مصطفى عمرو مصطفى تامر عاشور يرد علي اتهامات عمرو مصطفى

المصدر: المصري اليوم