أحمد حلمي يسترجع ذكريات برنامجه من سيربح البونبون
تاريخ النشر: 17th, November 2023 GMT
استرجع الفنان أحمد حلمي تفاصيل برنامجه الشهير “من سيربح البونبون” الذى كان يخص الأطفال، والذى قدمه فى بداياته الفنية .
وقال أحمد حلمي فى لقائه مع الإعلامي محمود سعد ببرنامج Sold out ، أن أختياره للأطفال المشاركين بالبرنامج كان يعتمد على رؤيته للأطفال الهادئة داخل الفصول فى الحضانة ، لأنه كان يعتقد أنهما لديهم الكثير من المواهب ليقدموه .
وأضاف: كنا بندخل الحضانة أعدي على فصل فصل وأراقب العيال وأشوف أكتر واحد هادي وأخده، وكنت بتعمد يكون هادي علشان أكتشفه، لأن ده بيكون جواه حاجة.
وتحدث أحمد حلمي أيضًا عن قصص طريفة في حياته، قائلا إنه تعرض لموقف طريف في حياته "أنا اتعضيت من حمار وده موقف نادر أنه يحصل، وتقريبا أن ده الحمار الوحيد اللي عضني، وأنا أول واحد الحمار يعضني، وأنا الوحيد اللي عضني الحمار اللي تحت البيت ده".
وأضاف: أن الحمار كان متواجدا تحت منزله وهو صغير، موضحا أنه لا يعلم حتى الآن عن سبب عض الحمار له، "الحمار عضني من دراعي، وتقريبا عشان شلت الأكل من قدامه".
وتابع أحمد حلمي: "أنا كنت شقي جدًا وأنا صغير، وكان بيتم التنمر عليا بسبب ودني وأنا صغير، مش عارف وانا صغير كنت بتني ودني وأنام عليها ليه، كنت بعمل حاجات غريبة وانا صغير".
تعليق أحمد حلمي على أحداث غزة
وعلق الفنان أحمد حلمي، على الأوضاع المحزنة في غزة خلال الأيام الماضية عبر حسابه على منصة إكس تويتر سابقاً.
وكتب: "المشاهد في غزة مرعبة أطفال بالمئات اتقتلوا وأصيبوا بحروق وجروح وفقدوا أطراف. أمهات وآباء مكلومين وأطفال مات إخوتهم وأهاليهم قدامهم، واتهدمت بيوتهم فوقهم مافيش أمان، ما فيش غذاء، ومافيش مياه، ولا أدوية ولا وقود ولا كهرباء لكن في حق ليهم في الحياة وحق علينا نساعدهم”.
المصدر: صدى البلد
كلمات دلالية: أحمد حلمى الاعلامي محمود سعد برنامج Sold out أحمد حلمی
إقرأ أيضاً:
تامر حسني يرد على إشادة رامي صبري: «أنت صاحب عمر وصوت عظيم»
رد الفنان تامر حسني عبر حسابه بموقع تبادل الفيديوهات والصور «إنستجرام»، على إشادة صديقه المطرب رامي صبري بعد تعاونهما معًا في «ديو» فيديو كليب جديد بعنوان «مبيتنسيش»، سيطرح قريبًا.
وكتب تامر حسني: «حبيبي يا رامي إنت قبل ما تكون نجم كبير ومُهم إنت صاحبي من أيام الطفولة ودي حاجات الناس متعرفهاش ويمكن مكنش في فُرصة نحكي ده قبل كده.. إنت يا رامي صاحب عُمر ومشوار مشيناه من الطفولة وأنا في الصورة ماسك المايك لأخويا ولصوت مصري عظيم يستحق».
أضاف تامر: «شُكرًا يا حبيبي على كلامك الغالي اللي من القلب أنا فعلًا اشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقة وإن ربنا يكرمنا مع بعض، أعتقد إن التعاون ده هيحمس كُل جيلنا إنه يعمل أفكار مشاركة كدة وأنا بنادي بيها من زمان من أيام تامر وشيرين وبعدها تامر وبهاء في أغنية قوم أقف وأنا وإنت بعدها إتكلمنا من سنين عشان نجمع البعض من جيلنا وعملنا المستحيل و للأسف معرفناش فقولنا نبدأ بنفسنا عشان نحمس الكُل».
واختتم قائلا: «حقيقي جمهورنا يستاهل مننا كُل الجديد وكل المُفاجآت اللي تفرحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم انتظروا كليب فعلًا مبيتنسيش بيني وبين أخويا النجم الكبير رامي صبري باشا».
كان رامي نشر صورة تجمعه بتامر حسني، عبر حسابه الرسمي بموقع التواصل الاجتماعي «فيسبوك»، وكتب: «أنا بشوف الصورة دي بشكل تاني خالص، أولاً تامر فنان أخ غالي ومحترم وواثق في نفسه، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده».
أغنية «مبيتنسيش»، غناء تامر حسني ورامي صبري، كلمات عمرو تيام، وألحان شادي حسن، توزيع مكس وماستر طارق توكل، وتريات تامر غنيم، جيتار أحمد حسين.
كرستيانو رونالدو :الدوري السعودي أفضل من الفرنسي