صفية العمري: “اتولدت من بطن أمي أم”.. ولهذا السبب أبعدت أولادها عن الوسط الفني
تاريخ النشر: 17th, November 2023 GMT
متابعة بتجــرد: كشفت الفنانة صفية العمري السبب الذي دفعها لإبعاد أبنائها عن الوسط الفني، مؤكدةً أنها لم تكن تتمنى دخولهم مجال الفن، كما تحدّثت عن أصعب اللحظات والمواقف في حياتها.
وقالت صفية في تصريحات إعلامية: “الإنسان دايماً بتجيله لحظات إحباط وحياته بتتغير مع الظروف وبيكون فيه طلوع وهبوط، ولازم يبقى فيها إحباطات شوية ولازم يبقى فيها الرضا والتفاؤل ونقول يا رب، النهاردة في أحداث مدمّرة والكون كله ملخبط، لكن ربنا حاطط فينا روح فيها تفاؤل ويا رب يرزقنا ويجدد حياتنا ونقول الحمد لله رب العالمين إننا بصحة جيدة ونحاول تاني ونجدّد المقاومة، وده سر الرضا إنك تكون راضي من نفسك ومتحاولش تئذي حد وتتماشى مع أسلوب الحياة”.
وأضافت: “أصعب حاجة مريت بيها هو موت الأهل موت الأب والأم، هما دول اللي دايماً مأثرين في حياتي وعاملين حاجة جوايا، في حنين واشتياق ودعوات كانت حلوة هي دي الحالة، في غربة الأولاد وبعوض ده في أولادي وأنا اتولدت من بطن أمي أم، وبمارس أمومتي بكل المحبة والصداقة والتفاهم إني لازم أستوعب أولادي وأتفاهم معاهم وأعيش معاهم كل حاجة، إوعى تقسى على ابنك”.
وعن إمكانية دخول أبنائها الوسط الفني، قالت صفية العمري: “مقولتش لأولادي يدخلوا الوسط الفني، وهما من زمان متربين في أمريكا، وابني فنان بطبعه وكان نفسه يبقى ممثل، لكن اتجاهه في الرسم والغرافيك وده نوع رائع من أنواع الفن، وأنا مبغصبش عليهم في حاجة، ومكنتش أتمنى إن حد منهم يدخل الوسط الفني ويشوفوا الوجع اللي إحنا بنتوجعه”.
كما تطرّقت صفية العمري الى الحديث عن الراحل أحمد زكي، وفيلم “البيه البواب”، قائلةً: “”البيه البواب” من الأفلام اللي بعتز بيها كده، وده مكنش أول عمل ليا معاه اشتغلت معاه قبل كده، أحمد زكي الله يرحمه لا يعوض هو من الفنانين الرائعين وتجربتي معاه كانت من أعظم الأعمال اللي قدّمتها، ويكفي بوابين مصر كلهم كانوا بيضربولي سلام”.
main 2023-11-17 Bitajarodالمصدر: بتجرد
كلمات دلالية: صفیة العمری الوسط الفنی
إقرأ أيضاً:
هشام عباس يدخل منافسة ألبومات 2024.. اسمه وعدد أغانيه
يواصل الفنان هشام عباس خلال الفترة الحالية الجلسات التحضيرية لألبومه الجديد "كلامها حلو" ، ومن المقرر طرحه خلال الفترة المقبلة.
اسم ألبوم هشام عباس “ كلامها حلو”يضم ألبوم “كلامها حلو” من 12 أغنية، يتعاون خلالهم مع العديد من كبار الشعراء والملحنين والموزعين وصناع الموسيقى في مصر والوطن العربي.
وقال هشام خلال لقائه في برنامج It’s Showtime التي تقدمة الإعلاميتين دينا حويدق وسمر نعيم على شاشة قناة الحياة: بحضر دلوقتي لأغاني جديدة هتنزل في آخر الصيف، واسم الألبوم هيكون "كلامها حلو"،
يذكر أن أغنية الألبوم “كلامها حلو” من كلمات أمير طعيمة وألحان عزيز الشافعي وتوزيع وسام عبد المنعم، وسيتم طرح الألبوم تدريجيُا على التوالي.
الجدير بالذكر ان برنامج It’s Showtime يعرض على شاشة قناة الحياة يومي الثلاثاء والأربعاء من كل أسبوع في تمام الساعة العاشرة مساءً، وتقدمه الإعلاميتين دينا حويدق وسمر نعيم.
آخر أغاني هشام عباس “هي دي”
كان قد طرح هشام عباس مؤخرا اغنية هي دي، وسجلت أكثر من مليون مشاهدة عبر يوتيوب، وتقول كلماتها "
هى دى اللى عيونى عليها الله يكتبها ليا اللى انا شايفه بعينى سحره خدنى فى ثانيه معاه لما بشوفها بسمى ودايما اقول سبحان الله اللى انا شايفه بعينى سحره خدنى فى ثانيه معاه لما بشوفها بسمى ودايما اقول سبحان الله جمالها ده اللى دوبنى ياليلى معاه
حاجه جديده عليا دى اكيد مش من البنى ادميين دى ملاك ولا حوريه وجايز واخده من الاتنبن حاجه جديده عليا دى اكيد مش من البنى ادميين دى ملاك ولا حوريه وجايز واخده من الاتنبن معاها ياقلبى مش عارف حاروح على فين