الطبيب المتهم بالتحرش بالبلوجر " آية الزيني": كنت بكشف عليها شتمتني واتهمتني بالتحرش
تاريخ النشر: 13th, November 2023 GMT
تباشر النيابة العامة بأكتوبر، التحقيق مع المتهم بالتحرش بالبلوجر "آية الزيني"،عن تفاصيل ما حدث بينهما في غرفة الكشف داخل إحدى المستشفيات بمدينة السادس من أكتوبر.
وقد قال "ع. ا" طبيب طوارئ بالمستشفى، إنه تلقى اتصالًا هاتفيًا من ممرض بالطوارئ بعد انتهاءه من صلاة الفجر فتوجه إلى المستشفى، ثم وجد المريضة "آية الزيني" وشرحت له بأنها تعاني من آلام شديدة في المعدة، وطلب من صديقها الخروج وأثناء الكشف عليها وعلى جسدها والجانب اليمين واليسار نصحها بالتوجه إلى طبيب متخصص ليفاجئ بتعديها عليه بالسباب.
كما اضاف الطبيب في القضية رقم 12300 لسنة 2023 جنح أول 6 أكتوبر، والمتهم فيها بهتك عرض البلوجر "آية الزيني" بالقوة إنه يعمل طبيب بشري وممارس عام طوارئ بالمستشفى، وقد قال خلال التحقيقات: اللي حصل إن أنا دكتور نائب طوارئ بالمستشفى ويوم الاثنين 2023/11/6، أنا كان عندي نبطشية في المستشفى من الساعة 9 بليل للساعة 9 الصبح، ودي أصلا مكنتش نبطشيتي أنا كنت نازل مكان واحدة زميلتي، وبعدين على حوالي الساعة 5 أو 5:30 الفجر كنت بصلي الفجر في المسجد اللي في المستشفى، وبعدين رحت على السكن بتاعي اللي في المستشفى، وبصيت على تليفوني لاقيت رقم متصل بيا مش متسجل.
كما أضاف: أنا متعود أي رقم غريب بيتصل بيا الفجر يبقي أكيد الطوارئ عايزيني فرحت على طول على غرفة الطوارئ، فلاقيت ممرضين واقفين على الكونتر وكان في بنت نايمة على السرير، وواقف جنبها ولد، رحت للبنت عشان أشوف مشكلتها، فقالتلي أن هي عندها ألم أسفل السرة في منطقة البطن وفي ضهرها، فبدأت اسألها أسئلة طبية عشان أعرف حالتها".
وتابع طبيب الطوارئ: أول سؤال كان لازم أسألها هل هي عندها الدورة الشهرية ولا لا عشان لو عندها فالألم يبقى طبيعي لكل البنات اللي بيجليهم الدورة الشهرية وبياخدوا مسكن ويمشوا، فأنا مينفعش أسأل السؤال ده قدام الشخص اللي كان واقف مع المريضة غير لما أعرف هو مين، فسألتها هو الأستاذ يبقي خطيبك أو جوزك؟ فقالت لي لا ده جارها، فقولت لها طيب هو مينفعش يكون موجود عشان هسألها أسئلة شخصية، وكمان مينفعش يشوف الكشف وبعدين سيبتهم مع بعض عشان ياخدوا قرار ورحت وقفت عند الكونتر".
واكمل الطبيب: وبعدين لاقيت الشخص اللي كان معاها مشي وطلع بره وبعدين رحت على المريضة، وقفلت الستارة علينا وسألتها أنت عندك الدورة الشهرية ولا لا فقالت لي لا هي جات وخلصت فبدأت ألاحظ بصريًا حركة بطنها عشان أشوفها طبيعية ولا لا، وبعدين أثنيت رجل المريضة وطلبت منها ترفع التيشيرت جزء صغير عشان أكشف وفعلا رفعت التيشيرت لحد فوق المعدة بالضبط".
واردف الطبيب أمام جهات التحقيق: بدأت أضغط على بطنها وأسألها إذا كان في ألم ولا لا؟ فقالت لي لا مفيش ألم، فقولت لها طب نامي على جنبك الشمال عشان أكشف على الظهر، وفعلا نامت علي جمها الشمال وطلبت منها ترفع التيشيرت جزء صغير فرفعته لحد نص ضهرها، وبدأت اضغط على فقرات العمود الفقري من النص، وصولًا للمنطقة الموازية للزائدة وسألتها في الم ولا لا؟ فقالت لي لا مفيش.
متابعاً: في الحالة دي بعد الفحص اللي أنا عملته بتكون حالة مريض عايزة عيادات متخصصة وليس طوارئ فقولت الكلام ده للمريضة، أن هي محتاجة تروح عيادات مش طواري، فقالت لي لا أنت لازم تكشف عليا دلوقتي ولاقيتها شتمتني.
المصدر: بوابة الوفد
كلمات دلالية: السادس من اكتوبر آية الزيني النيابة العامة بأكتوبر ولا لا
إقرأ أيضاً:
محامي المتهم يُكذب تحريات المباحث في «قضيةجانيت»
تابع أحدث الأخبار عبر تطبيق
بدأت محكمة جنايات القاهرة المنعقدة في التجمع الخامس محاكمة المتهم بقتل الطفلة جانيت في مدينة نصر.
وقال دفاع المتهم، أمام هيئة المحكمة، أن تحريات المباحث أثبتت ان العمارة محل الواقعة ليها باب خلفي يطل على حديقة، ولكن ما ثبت غير ذلك لأنه لا يوجد حديقة في محل الواقعة.
وقدم محامي المتهم حافظة مستندات تحتوي على صور تفيد أن مكان الواقعة لا يوجد بها حديقة.
وأكد محامي المتهم أمام المحكمة، أن المتهم شغال في مطعم كشري من الساعة 6 صباحا وحتى 8 مساءا.
تعقد الجلسة برئاسة المستشار سيد التوني، وعضوية المستشارين بولص رفعت رمزي وإبراهيم سعيد الفقي ومحمد عاطف بركات، امانة سر عزت فاروق.
وكانت النيابة العامة أمرت بإحالة المتهم بقتل الطفلة -سودانية الجنسية- إلى محكمة الجنايات المختصة، وذلك لمعاقبته فيما نُسب إليه من ارتكاب جرائم خطف المجنى عليها وهتك عرضها وقتلها عمدًا، والمعاقب عليها بالإعدام.
وكانت النيابة العامة قد تلقت إخطاراً بالعثور على جثمان المجني عليها -التي تبلغ من العمر عشرة أشهر- بإحدى الحدائق العامة المجاورة لمسكنها، فبادرت بالانتقال لمعاينة مسرح الجريمة، ومناظرة الجثمان.
وأظهرت التحقيقات بسؤال والدي الطفلة، أن المتهم خَطف المجني عليها حال لهوها وشقيقتها أمام منزلهما، وتوجه بها إلى حديقة مجاورة، حيث واعتدى عليها، فلما تعالت صرخاتها قتلها خنقًا، وقد اعترف المتهم بالتحقيقات بارتكابه الواقعة وفق هذه الرواية، وهو ما تأكد بتقرير الصفة التشريحية.
من هو الكاتب الصحفي عزت إبراهيم المرشح لرئاسة الهيئة العامة للاستعلامات؟