عمرو مصطفى يكشف تفاصيل خلافه مع محسن جابر : «مبحبش حد ياكل حقي» (فيديو)

وجه الملحن عمرو مصطفى، سؤالاَ للمنتج محسن جابر على الهواء، وذلك بعد أزمتهما الأخيرة بسبب الذكاء الاصطناعي، قائلًا: «عايز أسأل أستاذ محسن جابر سؤال، حضرتك تعاملت مع عمالقة مثل بليغ حمدي وأم كلثوم وأغاني عبدالحليم وفايزة أحمد، وموجود لحد اليوم، إحنا النهاردة بنسمع مين؟ ومين المسؤول؟ طالما هو كبير المنتجين يبقى هو المسؤول عن الصناعة».

أخبار متعلقة

عمرو مصطفى: أغنية «بشرة خير» حققت 500 مليون دولار حتى الآن

عمرو مصطفى يفجر مفأجاة بخصوص أغاني ويجز :«بيشتريها من المنصات بمقابل مادي»

عمرو مصطفى: محمد منير لا يفكر في الاعتزال.. وانتظرونا في أغنية قوية لـ«الكينج»

وأضاف «مصطفى» خلال لقائه ببرنامج «حبر سري» الذي يذاع على شاشة «القاهرة والناس»: «مش هو أخذ تنازلات من المبدعين؟ المبدع لو أنتج أغنية وكسب ملايين هينتج 50 أو 60 أغنية، وفجأة كل المبدعين هيبطلوا يدوا المنتجين، يبقى لازم نوعي كل المبدعين بإنهم لا يتنازلوا عن حقوقهم».

وتابع: «محسن جابر قال إن عنده 30 ألف أغنية، ومنها لحن أغنية العالم الله اللي عامله لعمرو دياب، واللي سرق لحنها حسن شاكوش، وأنت عندك 30 ألف أغنية لو الأغنية بتدخل دولار في اليوم يعني بتدخل 30 ألف دولار كل يوم الصبح، رغم إن فيه أغاني بتدخل 20 ألف دولار في الأسبوع، يعني انت بتدخل 900 ألف دولار في الشهر يعني 12 مليون دولار في السنة، طيب فين المبدعين من فلوس اليوتيوب بتاعة الأغاني، إحنا مخدناش حاجة وهو خد كل الفلوس، أنا عايز جزء من الأرباح عن كل أغانيا لإني متنازلتش عن الديجيتال».

وأكمل«لو محسن جابر حابب ينهي أي خلاف كان اتصل بيا من الأول ووقتها كنت هاروح له مكتبه، أنا بحبه على المستوي الإنساني ولكن كعلاقة بيزنس ببقى واحد تاني لإني بعاند ومش عايز حد يأكل حقي».

وأستطرد:«مشكلتي مع محسن جابر إنه بيتغافل شغل وتعبي كمبدع وكل المبدعين من مؤلفين وملحنين وموزعين وبيطلع ينسب أي نجاح له بس، أنا عايز كل واحد ياخد حقه وكان الكمانجاتي زمان اسم، أنا أي أغنية بتاعتي مش هتنازل عنها وهديها للمنتج كتصريح التصرف فيها 3 أو 5 سنوات انما 49 سنة ده اجحاف».

عمرو مصطفى عمرو مصطفى ومحسن جابر محسن جابر وعمرو مصطفى عمرو مصطفى وأسما إبراهيم عمرو مصطفى في حبر سري

المصدر: المصري اليوم