«مينفعش تمد ايدك بالشكل ده».. سيف زاهر يهاجم باهر المحمدي بسبب محمد هاني

هاجم الإعلامي سيف زاهر، باهر المحمدي، مدافع الفريق الأول لكرة القدم بنادي الإسماعيلي، بسبب اعتدائه على محمد هاني، ظهير أيمن النادي الأهلي، خلال مباراة الفريقين في بطولة الدوري الممتاز.

أخبار متعلقة

بعد أحداث مباراة الأهلي والإسماعيلي.. قرار عاجل من الزمالك بشأن مواجهة القمة

سيد معوض يكشف موقف سعد سمير ونيدفيد من العودة للأهلي

الإسماعيلي يعلن 3 قرارات بسبب أحداث مباراة الأهلي

وقال سيف زاهر، في تصريحات تليفزيونية عبر فضائية «أون تايم سبورتس»: «باهر المحمدي، لاعب كبير، وكان هناك حالة عصبية كبيرة لدى لاعبي الإسماعيلي خلال مباراة الأهلي».

وأضاف: «باهر المحمدي، رد على جماهير الأهلي (الإسماعيلي مش هينزل)، الملعب مبيحتاجش العصبية دي، الملعب في التوقيت ده محتاج الهدوء، وده المفروض اللي بعمله باهر، لأنه كابتن الفريق».

وتابع: «في الأول شعرت أن الموضوع هزار، باهر، لعيب كبير، عندما ذهب له محمد هاني، تحدث معه بصرف النظر عن الكلام اللي بيتكلموه مع بعض بس مينفعش يبقى في مد إيد بالشكل ده، مينفعش يبقى في حالة عصبية بالشكل ده، مينفعش تصدر مشهد بالشكل ده، خصوصًا أن محمد هاني، بيقولك خالص وعاوز يمشيها هزار، وانت متمسك بخناقة ومتمسك بمشهد مش بتاع كورة قدم، الكلام كان لازم يبقى بهدوء حتى لو الإسماعيلي في موقف محرج العصبية مش هتفيد بحاجة».

الاهلي الاسماعيلي محمد هاني باهر المحمدي

المصدر: المصري اليوم