3 أسلحة بـ1215 جنيها.. مفاجآت بقضية مقتل فتاة بورسعيد على يد شقيقها
تاريخ النشر: 10th, November 2023 GMT
تواصل "البوابة نيوز" نشر نص اعترافات المتهم بقتل شقيقته أمام مسجد الحسين بحي المناخ في محافظة بورسعيد.
وتنظر محكمة جنايات بورسعيد، برئاسة المستشار جودت ميخائيل قديس، غدا السبت، أولى جلسات محاكمة محمد نبيل السيد عثمان دحدح المتهم بانهاء حياة شقيقته "فريدة" أمام مسجد الحسين في بورسعيد.
ويواصل المتهم اعترافاته قائلا:"قررت اني هنفذ كده باني استناها عند البيت في يوم وأنزل فوقها بالسكينة وفعلا بدأت تنفيذ الكلام اللي بفكر فيه واشتريت السكينة الكبيرة اللي قتلت بيها اختي واللي عليها دمها بمبلغ 300 جنيه والمطواه كانت بمبلغ 900 جنيه والسكينة الثالثة اشترتها من سوق في الإسكندرية بمبلغ 15 جنيه ولفيت عليهم بلاستر وزوقتهم وفضلت شايلهم معايا لغاية ما نزلت بورسعيد قبل 3 أيام وقعدت في فندق وكنت مقرر خلاص اني أموتها".
وأضاف :"وفضلت مستني 3 أيام لأن الموضوع كان صعب عليا لغاية ما قبلت "محمد طارق" صاحبي في مطعم وفضلنا قاعدين مع بعض 3 أو 4 ساعات ومحمد مكنش يعرف اي حاجة عن الحاجات اللي كنت بفكر فيها علشان ميبلغش عني واتفقت أنا وهو أن احنا نتقابل الساعة 9 وفعلا جالي وكنت وقتها خلاص مكرر أن أنا اروح عند البيت واول ما اشوفها انزل عليها بالسكينة اللي معايا وكنت شايل السكينة الكبيرة جنب فخذي والمطواه في جيبي الشمال والسكينة الصغيرة في جيب البنطلون".
وتابع :"أول ما اتقابلت أنا ومحمد اخدتوا وطلعنا قدام العمارة اللي ساكن فيها ابوبا مع اختي ووصلت هناك الساعة 10 بعد العشاء وإداريت في كشك خشب على ناصية الشارع وكنت عارف ان فريدة بترجع من شغلها ما بين الساعة 10 و11.30 بالليل".
وعن اللحظات الأخيرة في حياة شقيقته يقول:"فضلت مستني قدام البيت لغاية لما لقيت فريدة جاية عليا اول ما شوفتها جريت عليها وقولتلها فريدة لقيتها وقفت فأنا طلعت السكينة من جنبي وجريت عليها ضربتها بالسكينة في رقبتها من ورا من ناحية جنبها الشمال وانا اصلا كنت داخل عليها قاصد اضربها في رقبتها وفعلا ضربتها ضربتين أو تلاثة أنا مش فاكر بالضبط واديها ضربتها وغزتها ببوز السكينة في جنبها الشمال ولما اتأكدت أنها ماتت سبتها عشان شفتها غرقانة في دمها ومش بتتحرك".
وتعود أحداث الواقعة إلى يوم 11 سبتمبر 2023 بدائرة قسم شرطة المناخ بمحافظة بورسعيد والمتهم فيها شاب بانهاء حياة المجني عليها شقيقته "فريدة نبيل السيد عثمان دحدح" عمدًا مع سبق الإصرار والترصد بأن بيت النية وعقد العقد المصمم على ذلك، وأعد لهذا الغرض سكينا ومطواة، كما استعرض القوة والعنف وهدد عددًا من قاطني مسرح الجريمة، للحيلولة دون ضبطه، فعرض حياتهم للخطر، وألقى الرعب في نفوسهم، وكدر أمنهم وسكينتهم وطمانينتهم، كما أحرز سلاحا أبيض مطواة وسكين.
المصدر: البوابة نيوز
كلمات دلالية: فريدة بورسعيد قاتل شقيقته جنايات بورسعيد
إقرأ أيضاً:
خيري رمضان: بسمة بوسيل هي من صنعت "الترند".. وكنت أدافع عن حق الأبناء في احترام الأب
كشف الإعلامي خيري رمضان عن سبب هجومه على بسمة بوسيل طليقة الفنان تامر حسني وذلك من خلال برنامج "منا وفينا" من تقديم هبة حيدري عبر قناة "المشهد.
وقال الإعلامي خيري رمضان إن هجومه على بسمة بوسيل لم يكن بدافع "ركوب الترند"، موضحًا: "أنا فكرت في حاجة واحدة بس، الرسالة، لما زوجة تطلع تتكلم عن زوجها، أبو أولادها، والكلام رأيت فيه اللا منطق".
وأضاف: "أنا قضيتي مش تامر حسني خالص، أنا قضيتي كل زوجة ممكن تشوفني وتختلف مع زوجها وده بيحصل كتير، تراعي إن العلاقة لما تنتهي باحترام، يبقى هي انتهت، وإن من تتحدثين عنه هو أبو أولادك، وأبو الأولاد بيجرح الأولاد".
وأشار إلى أن من صنع الجدل كانت بسمة بوسيل نفسها، قائلًا: "كنتي بتدوري أنتِ على الترند مش أنا، أنتي اللي صنعتي التريند، وده بيُثري قيمة غير محترمة في المجتمع".
وتابع رمضان: "أنا قلت إنها قدمت الحلقة بشكل رائع وكانت مجهزة تمامًا، لكن اعترضت على المضمون، واعتراضي لا يقلل من شخصها، أنا مليش علاقة بشخصها، بس لما حد يعيش مع حد أكتر من 10 سنين وييجي النهاردة يقول أنا من أول يوم بتعذب، يبقى عنده خلل، وهي المسؤولة".
وتطرق الإعلامي إلى علاقته بتامر حسني، مؤكدًا أنه لا تربطهما صداقة: "أنا لم أرَ تامر حسني منذ سنوات، بشوفه أحيانًا في فرح، وآخر لقاء عملته معاه كان من أكتر من 8 سنين، ولا تجمعنا صداقة، بحبه على المستوى الإنساني وبعرف والدته، لكن مش أصدقاء خالص، ولم يكلمني ولم أكلمه.
وأكد أنه لم يكن يدافع عن تامر، وإنما عن قيمة، قائلًا: "أنا ماكنتش بفكر في تامر، أنا كنت بدافع عن مبدأ العلاقة الزوجية وحق الأولاد في حياة كريمة، دول بيروحوا المدرسة ولما حد من زمايلهم يقولهم هو باباك كان وحش أوي كده؟".
وانتقد رمضان تناقض بسمة بوسيل في حديثها عن علاقتها بتامر، مضيفًا: "بسمة مدتنيش أمارة إنها تشترط بعد 5 سنين من الانفصال، وقبلها بوقت قليل كانت بتقول إننا راجعين لبعض، وفجأة تقول إن من أول يوم علاقة مدمرة وكل يوم بتبكي وفكرت في الانتحار، مين الإنسان اللي يتحمل كل ده؟ يبقى عندها خلل".
واختتم حديثه: "قعدتي سنين منفصلة، افتكرتي دلوقتي بس العذاب؟ بعد ما ولادك كبروا؟ افتكرتي إنك تطلي على الناس وهم يشوفوكي وأنتي عندك أولاد من هذا الرجل؟ أنا شفتها إنها بتحاول العودة للأضواء، مقدرش أدخل في نيتها إذا كانت عايزة تنتقم منه ولا تستغله".
جدير بالذكر أن بسمة بوسيل أثارت جدلا واسعا بتصريحاتها عن فترة زواجها من تامر حسني في إحدى البرامج مما جعلهم حديث السوشيال ميديا.
الاشتباك في أجواء اليمن “الأشد إحراجاً لواشنطن”