«الأهلي هو اللي هيخسر».. شوبير ينتقد هجوم الجماهير على محمد شريف

وجه أحمد شوبير حارس مرمى الأهلي ومنتخب مصر السابق انتقادات قوية إلى الهجوم جماهير الأهلي في الأيام الماضية على محمد شريف هداف الفريق الكروي الأول بالنادي.

أخبار متعلقة

زد يفاوض الأهلي من أجل ضم 3 لاعبين.. تعرف عليهم

«تحس كل واحد بأه رئيس الأهلي».. تعليق ناري من شوبير حول صفقة إمام عاشور

شوبير يكشف عن مفاجأة بشأن رحيل محمد الشناوي عن الأهلي

وقال أحمد شوبير في تصريحات إذاعية اليوم: «نقطة مهمة عايز أكلم فيها وهى الهجوم على محمد شريف، والولد الحقيقة كان ناشر صورة ماسك الدكة بإيده وكاتب فصبر جميل.

. أنا عايز أعرف أيه سبب الحملة اللي بيتعرض لها محمد شريف دي، شريف هو هداف الأهلي 9 أهداف والسنة دي سجل في مباراة الزمالك هدفين من أجمل ما يكون».

وتابع أحمد شوبير: «حتة جلد اللاعب دي مش كويسة.. الناس كلها كانت فرحانة بمحمد شريف ولما ضيع جونين الناس هجمت عليه أيه المشاكل يعني مكانش موفق بتحصل مع كل اللاعبين، أنا عايز أقول لكم ده مش هجوم بس إحنا وصلنا لمرحلة مش طبيعية الحقيقة».

وأضاف شوبير: «أنا بكلم الجمهور بحس لاعيب الكورة بوصفي لاعب سابق، والجيل ده بيتعرض لضغط قوي جدا بسبب انتشار وسائل الإعلام والسوشيال ميديا مكانش موجود في أيامنا».

واختتم نجم الأهلي السابق: «عماد متعب ده مثلا قعد تقريبا 10 ماتشات ما يجيبش أجوان خالص، وأنا بقول الحملة دي اللي هيخسر فيها في الآخر هو النادي الأهلي ومحمد شريف لاعب مخلص وليه تصريح شهير جدا لما قال الجنيه في الأهلي بـ 10 بره».

محمد شريف شوبير جماهير الأهلي الأهلي صفقات الأهلي الدوري المصري مباريات الأهلي عماد متعب

المصدر: المصري اليوم