كريم فهمي: عندي حنين للماضي ودايمًا شايل الهم في شغلي
تاريخ النشر: 8th, November 2023 GMT
كشف الفنان كريم فهمي عن أسرار في حياته الشخصية وطفولته، بالإضافة إلي حديثه عن زوجته دانيا ومشاركته له في جميع تفاصيل حياته.
وعلق كريم فهمي عن خبرته في الحياة من خلال تصريحات تليفزيونية له، قائلًا: “الزمن بالنسبالي خبرة حياتيه كل ما تكبر في السن وتعيش مع ناس أكتر بتكتشف حاجات.. وأنت صغير بتكون غلبان وبريء أوي، وبتكبر وتكتشف أن الناس الطيبة مش شرط يكون وشها طيب، عندي فكرة أن ممكن يتقال عليا ناشف شويه، ومن فترة كنت بتفرج على فيديو لعمر طاهر بيتكلم عن الجيل بتاعنا اتأثرت جدا قال إن جيلنا رابط بين جيلنا جيل كبير وجيل صغير”.
كما تحدث كريم فهمي عن طفولته، قائلًا: “الطفولة والنستولوجيا بتأثر فيا خصوصًا أني كنت طفل طيب أو ي، ودايمًا شايل الهم في شغلي سواء تأليف أو تمثيل”.
أما عن علاقته بشقيقه أحمد، علق قائلًا: “طول عمرنا أنا وأحمد شخصيتنا مختلفة تمامًا ممكن نقعد أسبوع منشفش بعض بس في رابط بينا مفيش حاجه بتبعدنا عن بعض كـ اخوات.. وأحمد أخويا الكبير أكبر مني بسنتين وشهر، وأنا أهم حد بالنسباله في حياته”.
كما كشف كريم عن تعلقه بالماضي والذكريات حيث قال: “عندي حنين كبير للماضي الذكريات بتاعه الطفولة دي عندي كبيرة أو ي وبحن لفترة أني بلعب فيها كورة وفي الأهلي.. وبحن للفترة أني كنت شايف الناس كلها كويسة ومفيش ظلم خالص وأنا راضي بشكل كبير جدًا ومش عايز حاجه أكتر من كده.. والرضا اللي بيصنع السعادة مش أي حاجه تانية، وأنا بني ادم متسرع شويه وبحاول أغير من ده”.
كريم فهمي يكشف عن رغبة مراته في إتجاه للتأليف
واختتم كريم حديثه: “أنا مبعرفش اشتغل حاجه مش بحبها ومش بمشي ورا المفروض، وأول ما اتعرفت على مراتي كنت لسه بعمل أول مسلسل ليا وهو عرض خاص وكنت كاتب بيبو وبشير وكانت حابه أكتر أكون مؤلف مش ممثل وكانت عايزاني أعيش من غير شهرة ومع الوقت حبت اللي أنا بحبه، وعندي مشكلة ان قرارتي سريعة.. أنا ضد فكرة الديكتاتورية في البيت رأيها بالنسبالي مهم جدا بحب رأيها في كل حاجة”.
المصدر: بوابة الفجر
كلمات دلالية: كريم فهمي أحمد فهمي زوجة كريم فهمي الفنان كريم فهمي کریم فهمی
إقرأ أيضاً:
“إنت رقم 19 بعيد أوي”.. ويجز في أقوى هجوم على رامي صبري
متابعة بتجــرد: شن مغني الراب ويجز هجوماً عنيفاً على الفنان رامي صبري، على خلفية تصريحات الأخير بشأن موسيقى الراب والمهرجانات خلال لقائه ببرنامج “حبر سري”.
نشر ويجز على خاصية القصص المصورة الملحقة على حسابه الخاص بـ”إنستغرام” مقطع فيديو تداوله نشطاء على مواقع التواصل الاجتماعي، عبر من خلاله عن استيائه من تصريحات صبري، حول عدم فهمه كلمات أغانيه، منتقداً حديثه عن فنون لا ينتمي إليها، مشدداً على ضرورة احترام الفنانين في مجالاتهم المختلفة.
قال ويجز في الفيديو: “الفنان فاكر إن عنده صلاحية يطلع يتكلم في أي وقت على أي حد، والناس تسمع وتسكت… الفنان ده رامي. كل ما يقعد كده أربع خمس شهور يزهق يطلع يتكلم في التلفزيون على بتوع الراب… أنت بتتكلم إمتى على بتوع البوب اللي أنت منهم؟”.
أضاف: “لو لقيت حد بيعرف يسوق عجلة وأنا ما بعرفش، بحترمه لأنه اشتغل على نفسه في حاجة أنا ما اشتغلتش عليها”.
صعّد ويجز من حدة انتقاداته بقوله: “أنت شايف إن الفنانين دول بيحاولوا يوصلوا لمستوى أنت فيه، في حين إنهم معديينك… مش رقم 2 يا رامي، إنت رقم 19 بعيد أوي”.
واختتم حديثه بالإعلان عن أغنيته الجديدة المنتظرة في السابع والعشرين من الشهر الحالي، ساخراً: “استنوا الأغنية الجديدة، ورامي ممكن يشرح لنا الأغنية دي بعد ما تنزل لو فهمها”.
كان رامي صبري قد تحدث خلال لقائه في برنامج “حبر سري” عن المهرجانات والراب قائلاً: “المهرجان مش بيتغنى… حلو والناس بتحبه وأنا ساعات بسمعه، لكن مش هو اللون اللي ممكن أغنيه”.
وأكد احترامه لموسيقى الراب مشيراً إلى أنه يوافق على التعاون مع نجوم مثل مروان بابلو وويجز في عمل غنائي ثنائي، موضحاً: “ويجز شاطر ومجتهد وفرض نجاحه، وأغانيه معروفة، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها”، مضيفاً: “طول ما المهرجان محترم تمام، والقانون لازم يتطبق على الكل عشان فكرة المنع تبقى مقنعة”.
main 2024-11-25Bitajarod
الاتحاد يعسكر في دبي