ملكة الإغراء.. قرار عاجل في استئناف أنوش على حكم حبسها 3 سنوات
تاريخ النشر: 7th, November 2023 GMT
قررت الدائرة الأولى بالمحكمة الاقتصادية، تحديد نظر الاستئناف المقدم من نبوية جمعة وشهرتها أنوش على حكم حبسها 3 سنوات وتغريمها 100 ألف جنيه، لجلسة ٦ ديسمبر.
جاء الحكم في القضية رقم 433 لسنة 2023 جُنح اقتصادي مقيدة برقم 483 لسنة 2023 جُنح مالية أول درجة بالحبس لمدة 3 سنوات، وتغريمها مبلغ وقدره 100 ألف جنيه، ووضعها تحت مراقبة الشرطة لمدة مساوية لمدة العقوبة، بتهمة نشر صور خادشة للحياء عبر مواقع التواصل الاجتماعي وفعل فاضح مخل بالحياء، وإعلان دعوة للدعارة والاعتداء على مبادئ القيم الأسرية، وإساءة استعمال وسائل الاتصالات اللاسلكية.
وجاءت أقوال أنوش في التحقيقات بأن عملها في الخياطة كان يدر عليها دخلًا، قائلة: كنت باخد وأنا في تانية إعدادي وتالتة إعدادي 25 جنيه في الأسبوع لغاية ما وصلت 75 جنيه في الأسبوع، وكنت بديهم لوالدتي عشان مصاريفنا،وتوقفت عن العمل لما اتجوزت في 2012 وكانت حياتي صعبة.
وتابعت نبوية أنوش: عملت صفحة على فيس بوك، من حوالي 5 سنين، وهي صفحة اسمها نشوى جمعة وأنا قفلت الصفحة دي من سنتين، بعد ما بنتي اتوفت قفلتها ومكنتش بخش عليها، وكانت صفحة شخصية ومكنتش بعمل فيها فيديوهات ولا حاجة، بس قفلتها بعد وفاة بنتي في شهر 10 لسنة 2022.
المصدر: صدى البلد
كلمات دلالية: نبوية جمعة انوش المحكمة الاقتصادية
إقرأ أيضاً:
مش هعملها تاني.. ميسرة تتحدث عن مشاهد الإغراء|سبب عدم زوجها
حلت الفنانة ميسرة ضيفة ببرنامج "شاي بالياسمين" تقديم الإعلامية ياسمين الخطيب والذي يعرض على قناة "النهار"، وتطرقت الفنانة خلال حديثها بالحلقة عن مشاهد الإغراء التي عُرفت بها حيث كشفت أنها رفضت العديد من الأعمال بسبب عدم رغبتها في تقديم أدوار الإغراء مجددًا.
وعن مشاهد العري سألتها ياسمين الخطيب: "لو مشهد فيه عري وفيه بوسة بس متوظف صح في القصة توافقي عادي؟".
ردت ميسرة قائلة: "آه ممكن عادي لكن ما أعتقدش أنا مرة واحدة عملت البوسة دي ومش هعملها تاني، كانت في فيلم بوبوس مع الأستاذ عادل إمام ومندمتش أبدًا.. مبرضاش أتباس، وأتباس ليه؟ ممكن نعمل المشهد من غير بوس .. من غير ما نبين البوس".
وعن سبب عدم زواجها، قالت: "متجوزتش ولا مرة ،طبعًا فيه رجالة كتير كويسة بس انتي مابتحكميش أن الراجل ده كويس ولا وحش وانتي بتحكمي عليه أن الراجل ده شخصيته هتناسبك ولا لأ، ومكنش فيه ولا واحد مناسب وشغل الميديا والإعلام بياخد من الوقت كتير جدًا ووقت ما كنت بشتغل كتير ماكنش فيه حياة اجتماعية اللي تأهلك تشوفي أكتر من حد وأكيد مش هتجوز واحد شافني في السينما وأعجب بيا".
وأضافت: "اتدهولت مرة في قصة حب وكنت بحب واحد لبناني بس فوقت مكملتش يعني بعد 6 شهور سيبته، لأني لقيته مش هو ده الراجل اللي هيبقى أب كويس لولادي وده أهم حاجة عندي، لأني شوفتله مواقف كتير مش حلوة ووقفت في وشه فيها رفضتها كأخلاقيات وتصرفات رفضتها وقولت وقتها إزاي ده حتى لو بحبه واتجوزت وخلفت اسمح أن الحاجات دي تحصل وولادي ممكن يشوفوها، وشوفته ظلم ناس، شوفته تجرأ على حد أضعف منه، والراجل كان مدلعني مقدرش أنكر".
وعن طلب زواجها من الصحفي الفلسطيني قالت: "عشان وائل دحدوح هو رمز للرجل الغزاوي أو الرجل الفلسطيني عمومًا في كل قطاع غزة وفلسطين أن هو مؤمن بقضيته حتى لو كان تمنها عياله، مؤمن بقضيته حتى لو كان تمنها مراته أو بنته، ووائل دحدوح كان بالنسبة لي الرمز وهم رمز فخر لينا كلنا على إيمانهم بقضيتهم وإيمانهم بربنا وبيستودعوا نفسهم وأولادهم ومفيش حاجة أغلى من الإنسان إلا ابنه، وبعدين كلنا نفسنا يفتحوا لنا باب الجهاد وكلنا هنروح".