الناقد أندرو محسن لـ بيومي فؤاد: حضرتك لو مش جاي عشان تضحكهم يبقى بتضحك عليهم

علق الناقد السينمائي أندرو محسن، على فيديو هجوم الفنان بيومي فؤاد، على الفنان محمد سلام، وذلك عقب عرض مسرحية «زواج اصطناعي»، بموسم الرياض.

الناقد أندرو محسن

وكتب أندرو محسن، منشورا عبر صفحته الرسمية على موقع التواصل الاجتماعي «فيسبوك»، قال فيه: «مش حابب أدخل في نقاش حول خناقة بيومي فؤاد و محمد سلام، بس مش قادر أتخطى عبارة "احنا ما بنجيش عشان نضحك حضراتكم" اللي قالها ممثل بعد انتهاء دوره في مسرحية كوميدية.

الجملة دي بتلخص طبيعة فهم فنانين كتير لمفهوم الفن وأنواعه وأهميته».

وتابع: «كأن تقديم الضحك ده في حد ذاته حاجه عيب، مينفعش يبقى أنا جاي أقدم ضحك. عشان كده منتشر عندنا فكرة "الرسالة" العقيمة، مينفعش المسرحية تبقى بتضحك بس، لازم يبقى فيه رسالة بتقولها للجمهور، حتى لو كانت مقحمة وملهاش لازمة، ودمها تقيل ومكتوبه أوحش من باقي النص كله، بس عيب نكون بنضحك بس».

وأضاف: «مفتكرش أصلا الجمهور اللي كان حاضر ده كان جاي للمسرحية لسبب آخر غير الرغبة في الضحك، فيعني لو حضرتك مش جاي عشان تضحكهم يبقى إنت بتضحك عليهم».

تصريحات بيومي فؤاد

وظهر بيومي فؤاد، في فيديو على أحد مسارح الرياض، متحدثا للجمهور الذي تواجد لحضور العرض المسرحي الذي كان من المقرر أن يشارك فيه محمد سلام.

وقال بيومي فؤاد، في الفيديو، موجها حديثه: أولا لـ محمد سلام الذي اعتذر عن المسرحية: «من حقك أنك تعتذر عن المسرحية، لكن مش من حقك أنك تغلط في فنك».

ثم واصل بيومي فؤاد، كلامه ولكن هذه المرة للجمهور: «إحنا ما بنجيش عشان نضحك حضراتكم.. إحنا بنقدم فنا المصري، وأنتم تحترمونا وإحنا بنحترمكم جدا، شيء عظيم إن أنا أخرج واتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا نتعب ونقدم فن ولو الموضوع كدة ففي فنانين كتير من أيام نجيب الريحاني المفروض ينتحروا».

اقرأ أيضاًأول رد من محمد سلام على بيومي فؤاد بعد الفيديو المسيء له

مطعم بيومي فؤاد يدخل جدول المقاطعة.. القصة الكاملة لهجوم الجمهور عليه

المصدر: الأسبوع