الزمالك يطالب حازم امام بعد ضم فتوح وصبحي والزناري لمنتخب مصر | تفاصيل
تاريخ النشر: 6th, November 2023 GMT
كشف أحمد حسام ميدو، كواليس تواصل مُنتظر بين إدارة الزمالك وحازم إمام عضو مجلس إدارة اتحاد الكرة المصري.
قال ميدو في تصريحاته عبر برنامج الريمونتادا على قناة المحور: "سيكون هناك تواصل بين إدارة الزمالك وحازم إمام المشرف العام على المنتخب الأول سيتم بشكل ودي، لطلب عدم انضمام ثلاثي الزمالك المعروض للبيع إلى قائمة منتخب مصر ومعسكره القادم.
وأضاف: "اتحاد الكرة يحترم نادي الزمالك ويُرسخ قيم ومبادئ معينة وهذا الأهم لذلك الاتجاه سيسير في عدم استدعاء الثلاثي إلى قائمة منتخب مصر"
ووصف أحمد حسام ميدو، ما فعله ثلاثي الفريق الأول لكرة القدم بنادي الزمالك أحمد فتوح ومحمد صبحي ومصطفى الزناري، بمغادرة معسكر الفريق قبل مباراة زد بـ الجريمة الكروية.
وقال ميدو في تصريحاته عبر برنامج الريمونتادا على قناة المحور: "عمر جابر ودونجا كانا في عيادة معسكر مباراة الزمالك وزد، شاف الثلاثي لابسين لبس خروج وماشيين، عمر نادى شيكابالا، شيكا قالهم إنتوا رايحين فين، التلاتة قالوا هنجيب حاجة وراجعين، شيكابالا كقائد مكانش عايز الموضوع يكبر لكن كان هيتجنن"
وأضاف: "فات نص ساعة، شيكابالا كلم صبحي والزناري قالهم ارجعوا الكلام ده ميصحش، شيكا كان بيلم الدنيا وده دور القائد قبل ما الموضوع يكبر، وبعد شوية صبحي والزناري رجعوا، وشيكابالا كان بلغ أعضاء الجهاز الفني"
واختتم: "تخيل الزمالك عنده ماتش تاني يوم واللاعيبة كلها صاحية الساعة 4 الفجر، وفي أزمة في المعسكر بسبب خروج الثلاثي، شيكابالا قال فتوح ارجع عندنا ماتش بكرة، فتوح قاله انتوا عايزين مني ايه، قاله انا بقولك انا مش هرجع غير لما اخلص سهرتي، وهرجع الفجر، هنا عبد الواحد السيد بلغ شيكابالا قاله قول فتوح ميرجعش"
المصدر: صدى البلد
إقرأ أيضاً:
هنخسر الماتش.. ميدو يوجه رسالة إلى جماهير الزمالك قبل مواجهة بيراميدز
وجه أحمد حسام ميدو نجم الزمالك السابق رسالة إلى جماهير الزمالك قبل مواجهة بيراميدز يوم الجمعة ضمن منافسات بطولة الدورى الممتاز.
وكتب ميدو من خلال حسابه الشخصي إكس: “ دائما ما أقول أن جمهور #الزمالك هو قائد الكتيبة وعنده حس كبير في توجيه رسائله عبر التاريخ وهو من انتشل الفريق من كل محنه بمواقفه الصارمة والحاسمة، ودائما ما تكون في التوقيت المناسب!!”.
وتابع : “ تواجدت بالأمس في الملعب ولم يعجبني أبدا توقيت توجيه الرسائل لمجلس الإدارة كانت الهتافات في الشوط الأول واحنا كسبانين ١-صفر وبعدها على طول حصل تراخي كبير من لاعيبة الزمالك لحد ما استقبلنا هدف التعادل ” .
وأضاف: “ وتفسيري أن اللاعبين فقدوا تركيزهم وتم إزاحة المسؤولية من على أكتافهم بمجرد سماع هذه الهتافات!! وصل الرسايل اللي انت عايزها بس التوقيت مهم التوقيت المناسب دائما آخر دقايق المباراة وانت كسبان فرق ٢ وضامن النتيجه او بعد نهاية المباراة بقول الكلام ده لإني خايف جدا ان الموقف ده يتكرر ثاني قدام #بيراميدز ولو أتكرر قدام بيراميدز مش هنعرف نكسب وانا بقولكم ماتش #بيراميدز هو ماتش الدوري لازم كلنا كزمالكاوية نتحد ونعمل أي حاجه علشان نكسبه لازم ننسى اي زعل من اي حد لمدة كام يوم وكلنا نقف ورا الفرقة وندعمهم وكل واحد من مكانه يعمل اللي يقدر عليه علشان نكسب الماتش ده وبعد الماتش لينا كلام!! اللي يهمني دلوقتي هو الأولويات ”.
وأكمل : " والأولويات كالتالي: ١- دفع مستحقات اللاعبين قبل مباراة بيراميدز
٢- التجديد لجميع اللاعبين اللي جروس طلب التجديد معاهم (بشروط النادي) ولا يوجد لاعب أكبر من الزمالك والتاريخ يشهد.
٣- دعم الفريق بقلب دفاع ولاعب رقم ٦ وجناح لاعيبة بمستوى الزمالك باختيار المدير الفني مش لاعيبة تعبانه زي معظم اللاعيبة اللي جبناهم في فترتين الانتقالات اللي فاتوا!! " .
وكيل إمارة الرياض المساعد للحقوق يحضر حفل سفارة جمهورية اتحاد ميانمار بمناسبة اليوم الوطني لبلادها