دعاء فاروق تدعم مقاطعة المنتجات الأجنبية: بيدعموا الاحتلال الإسرائيلي (فيديو)

كشفت الإعلامية دعاء فاروق، عن تضامنها مع حملات مقاطعة المنتجات الأجنبية، ومطالبة رجال الأعمال المصريين بشراء الماركات العالمية، وتغير علامتها التجارية، دعما للقضية الفلسطينية.

تعليق دعاء فاروق

ونشرت الإعلامية دعاء فاروق، مقطع فيديو، عبر حسابها الشخصي بموقع «انستجرام»، قالت فيه: «من امبارح في حملة نازلة ضد المقاطعة نازلة في كل مكان، وأن المقاطعة دي بتئذي المصريين وبتلغي الاستثمار في مصر، وأنا اتخضيت من قلة الوعي شوية اللي عند بعض الناس، وأتمنى الناس تقبل الرأي الآخر اللي بيدعم وبيقوي فكرة المقاطعة، والفرانشايز ده قوانينه معروفة في العالم كله، وهما مش بيدوك الاسم وخلاص جه بيديك خامات وعمالة وفي المقابل لازم ياخدوا فلوس».

View this post on Instagram

A post shared by Doaa Farouk (@doaafarouk)

وتابعت: «طول ما أنت واخد العلامة التجارية يبقى هتطلع نسبة من أرباحك للشركة الأم، يعني حتى لو أي ماركة فاتحة في مصر بناس مصريين بيروح نسبة من الأرباح للشركة الأم اللي بيملكها ناس يهود وبيكونوا بنسبة كبيرة صهاينة وبيدعموا جيش اللي ما يتسموا، دي حاجة لا تخفى عن الجميع، والمقاطعة أثرت فيهم وإحنا بنخاطب كل العرب مش المصريين بس، لأنهم بيدفعوا ضرايب وبيدعموا الجيش الصهيوني».

وأضافت دعاء فاروق: «طيب في ناس طيبين وبما فيهم أنا بيصعب عليهم الناس اللي شغالة والعمالة تتشرد، بالراحة دي مش كل العمالة اللي في مصر، أنا مثلا كنت في سوبر ماركت اسمه ولقيت كل البدائل للمنتجات الأجنبية، والشغل الأجنبي اللي هما في الآخر رؤوس الأموال بتاعة جيش الاحتلال وبيدعموهم، اللي حاولوا ينظفوا إيديهم ويقولوا إحنا مالناش دعوة بيهم بعد ما أتأثروا».

واختتمت حديثها قائلة: «أنا بخلص ذمتي واللي نلاقي له بدائل نستغنى عنه، أصلًا سندوتشات البرجر دي من الرفاهيات، ما العيال طول عمرهم بياكلوا بسلة ورز وسبانخ وبسبب القرف اللي بيصدوره في مصر قالهم تقذم وأمراض، ما تعملوا من منتجات بلدنا».

اقرأ أيضاًدعاء فاروق عن مسلسل سفاح الجيزة: مبعرفش أنام «فيديو»

«أنا قرفت من الناس البايخة».. دعاء فاروق تهاجم متابعة تنمرت على مرض زوجها

طالبة الدعاء لوالدها.. مي فاروق: «ورثت منه كل حاجة.. ونفسي أشوفه تاني بيضحك في وشي»

المصدر: الأسبوع