فيديو.. ويجز: تهجير الفلسطينيين مش حيحصل على حساب مصر أو القضية

أعرب مطرب الراب ويجزعن استيائه من أحداث قصف غزة من قبل قوات الاحتلال، مشيرا إلى دعمه جميع أشكال المقاطعة لجميع المنتجات التابعة لهم نظرا لكونها تدعم حرب غير عادلة.

وأكد ويجز أن فكرة التهجير التي تدعولها إسرائيل حدثت بالفعل في أحداث النكبة عام 1948، ولكنه لن يحدث في عام 2023.

في دول كاملة اتبنت بطريقة التهجير، لكن هذا لن يحدث الآن، وما يجري الآن في فلسطين، هو فعل شيطاني، ولن يحدث التهجير على حسابنا ولا على حساب القضية الفلسطينية، فالفلسطيني لا يمتلك سوى أرضه، لذا لابد أن يظل على أرضه.

وقال ويجز خلال لقائه مع شبكة الجزيرة: « أنا من أوائل المطبقين للمقاطعة، أنا عمري ما هاكل ولا هشرب أي شيء له علاقة بهذا الكيان، لأن في الأول والآخر أنا فلوسي اللي بنت الإمبراطورية دي، وفلوسك بتتبعت علشان تشارك في حرب غير عادلة وغير آدمية، كل أشكال التعاطف مع الشعب الفلسطيني مش كفاية».

وتابع ويجز داعما للمقاطعة: «بقت أمريكا بتحارب الإرهاب طيب فين الإرهاب؟ العيال اللي عندها 6 سنين وسنتين في الفيديوهات دي اللي بنشوفها هل دول الإرهاب.. محدش بيتحرك، وبتكلمني عن المجتمع الدولي فين المجتمع المصري؟.

وأردف: «أنا أصلا حياتي كبني آدم مصري دلوقتي مش نفس القيمة، أنا دلوقتي فهمت هي نفس العنصرية والطبقية والشكل اللي بيتبص لينا بيه أن دي شعوب تعبانة معندهاش القوة الكافية، يعني لو أنت معندكش حجم الجيش الإسرائيلي والأمريكاني متطلبش حقك».

وأضاف ويجز: «الفلسطيني كان بيروح لبنان والطيارات الإسرائيلية كانت بتيجي تضربه في مخيمات اللاجئين، وبيموت منه 3000 في نفس اليوم ولا حاجة بتحصل، ليه دلوقتي الناس بتتكلم على الحريات؟.

وواصل: من وجهة نظري مفيش حد ييجي يكلمنا إن أمريكا ديمقراطية وعندها حرية لأ بالعكس، يعني الاستخبارات الأمريكية مش عارفة وأنا اللي عارف اللي بيحصل في غزة؟ لأ هما مليون في المية عارفين اللي بيحصل في غزة، واللي بيحصل في غزة معمول حسابه ومعموله خطة والناس دي عارفة كويس هي بتعمل إيه.

اقرأ أيضاًحفل ويجز بكندا يتحول لمظاهرة دعم للفلسطينيين

ويجز يدعم أهل غزة بهذه الطريقة

قبل ساعات من انطلاقه.. كواليس حفل ويجز في مهرجان العلمين (فيديو)

المصدر: الأسبوع