تامر حسين عن تتر مسلسل "صوت وصورة": "الكلام لايق على اللي بيحصل اليومين دول"
تاريخ النشر: 30th, October 2023 GMT
نشر الشاعر الغنائي تامر حسين عبر صفحته الرسمية بموقع تبادل الصور والفيديوهات الشهير "إنستجرام" تتر مسلسل صوت وصورة الذي قام بكتابة كلماته وهو بعنوان "لسه نفسنا طويل".
وعلق عليه قائلًا: "لسه نفسنا طويل، كنت عاملها تتر مسلسل صوت وصورة والصدفة البحتة أن كل كلامها لايق على اللي بيحصل اليومين دول".
وتابع قائلًا: "الحق عُمره ما راح هَدّر والكدب لعنه.
بكرة اللى رايده ربنا حايبان قصادنا
وإحنا إستفادنا من دروس كل اللى باعنا".
كلمات تامر حسين، الحان وتوزيع نادر حمدي، غناء هنا يُسري إنتاج شركة أروما.
منشور تامر حسينماذا تقول كلمات تتر مسلسل "صوت وصورة"؟
لسه نَفَسنا طويل
مش مفروشلنا الدُنيا ورد طول طريقنا
فى يوم بِتسعدنا ويوم فيه بتضايقنا
ولولا حبه مِن الأمل معيشينا
و مصبرنا ع اللى ودعنا وفارقنا
أيامنا مهما ضلِمت لازم تنور
ولو لقيتها إتأزميت ع الفرحه دّور
ماتسبيبش روحك ل غرق لو مهما يجرى
عشان فى ُبكرة حاجات كتير أجمل تصور
ويادنيا اهو عايشين
لو نضعف يوم نستقوى يومين
ومفيش حال بيدوم
على كل البنى أدمين
لسه نفسنا طويل
وزمان قالولهالنا الصبر جميل
حانعافِر ونقوم
لو يوم أيامنا تميل
كترت ف بالنا الأسئلة وزادتِ حيرتنا
واقفين بنِتفرج على مشوار حياتنا
وفى غلط بنصلحه وغلط ياخدنا
من إيدنا لنهايه وسكة توهِتنا
حتى الحقيقة ف الزمن ده مزيفينها
وصوت وصورة كُل حاجه مشوهينها
مين اللى ظالِم مين ظلم بتضيع سينينا
على ألف إنّ وشّكِ مالنا مصعبينها ؟
الحق عُمره ما راح هَدّر والكدب لعنه
والخير على الشر إنتصر شُفنا وسِمعنا
بكرة اللى رايده ربنا حايبان قصادنا
وإحنا إستفادنا من دروس كل اللى باعنا
ما هي تفاصيل مسلسل صوت وصورة ؟تدور أحداث المسلسل حول أزمة مواقع التواصل الاجتماعي ومساوئها وكيفية تأثيرها على المجتمع ومدى التضليل للواقع من خلال عرض قصة إنسانية، حيث تجسد حنان مطاوع شخصية سيدة مكافحة متزوجة من وليد فواز الذى يترك لها كل مصروفات المنزل وتتسبب وسائل التواصل الاجتماعى في مشاكل كثيرة بحياتهما.
من هم أبطال مسلسل "صوت وصورة" ؟ومسلسل "صوت وصورة " من بطولة حنان مطاوع، نجلاء بدر، مراد مكرم، وليد فواز، ناردين فرج، عمرو وهبة، ولاء الشريف، محمد كيلاني، صدقي صخر، هاجر عفيفي، أحمد ماجد، إيمان الشريف، رامي الطمباري، وغيرهم"، من تأليف محمد سليمان عبد المالك، وإخراج محمود عبد التواب توبة، وإنتاج شركة أروما للمنتج تامر مرتضى برعاية المتحدة للخدمات الإعلامية
المصدر: بوابة الفجر
كلمات دلالية: تامر حسين تتر مسلسل صوت وصورة انستجرام صوت وصورة تتر مسلسل
إقرأ أيضاً:
بالمصرى .. قعدات النميمة فى الأفراح والليالى الملاح
تابع أحدث الأخبار عبر تطبيق
كلنا لما بيكون عندنا فرح بنهتم قوى حانلبس إيه، ونعمل شعرنا إزاى، ومين معزوم فى الفرح شاف لبسنا ده فى مناسبة قبل كده؟ ونجهز بقى ونبقى على سنجة عشرة ونروح ونبتدى السلامات.
هاى حبيبتى شكلك النهارده زى القمر.. مرسيه ياروحى وانتى فستانك بجنن ولونه حلو قوى عليكى.. خسيتى ماشاء الله عملتى إيه يا مجرمة؟.. بجد خسيت؟ أنا بقالى شهر عاملة دايت الأناناس.. براڤو باين عليكى قوي.. وده مع دكتور؟.. آه ده بتاع الدكتور وليام هيكتور أخدته من ع النت وعملته.. طب بليز يا روحى ابعتيهولى واتسآب علشان نونى تخنت وعملت دايت البروكلى وماخستش وكانت عاوزه تعمل ديتوكس بس خفت عليها.
إيه ده هى شهيرة اللى قاعدة على الترابيزة اللى هناك دي؟.. أيوه.. ومين اللى معاها دول؟.. ده رجل الأعمال أحمد عيسى ودى مراته.. شايفة الخاتم اللى فى إيديها؟ ده مايقلش عن خمسة قراط والكوليه اللى لابساه ده كل حجره فيه بتاعة نص قيراط.. أيوه ماهو منغنغها.. هى كده مابتقعش غير واقفة.. ده كاتبلها بيت الساحل اللى بعشرة مليون وعمارة الدقى وشاليه السخنة وشقة فى الجونة وكل سنة بيغيرلها عربيتها بالموديل الجديد.. ماهى علشان كده لازقة فيه ومش مدياله فرصة يتنفس.
إيه ده؟ مش دى سوسو اللى قاعدة هناك دي؟.. أيوه.. هى مال شكلها اتغير كده؟.. من كتر عمليات التجميل.. بس لون شعرها غريب قوى.. آه ماهى كل شوية تعمل لون ولوك جديد.. بس مش لايق عليها خالص ومخلى لون وشها باهت ومعجزها.. لا ونافخة خدودها قوي ومبيضة أسنانها وعاملة شفط وحاقنة شفايفها.. استنى دى جاية علينا.. هاااى ازيكوا يا بنات؟.. هاااى سوسو إيه القمر ده؟.. انتو اللى قمرات يا حياتي.. لا بجد شكلك قمر ولون شعرك يجنن ده انتى صغرانة ٢٠ سنة.. حبايب قلبى.. قوليلنا بقى عاملة إيه مخليكى قمر كده؟.. ولا حاجه والله أنا بس بروح الجيم وبمشى عندى فى الكومباوند ساعة كل يوم.. فارق معاكى قوى ياروحى ده إحنا قاعدين نعاكس ونقول مين القمر دي؟.
ايه ده مش اللى هناك دى وفاء؟.. أيوه.. هى اتحجبت؟.. أيوه.. شكلها كبر قوى فى السن ومالها لابسة وحش كده؟.. مسكينة جوزها مطلع عينها واتجوز عليها السكرتيرة بتاعته.. ياعينى وهى من وقتها بقى بتروح للشيخة شوشو فى مصر الجديده بتاخد دروس دين علشان تصبر على الإبتلاء.
ايه ده العروسة جات اهي.. فستانها عاملاه هنا فى مصر ودافعة فيه ٢٥٠ ألف جنيه.. لا ياروحى ده من لبنان.. بس مش لايق عليها ومتختها ومكايجها أوڤر قوى.. والعريس ماله محفلط كده واقصر منها.. هما حايقضوا شهر العسل فين؟.. حايروحوا فار ايست.. وحايسكنوا فين؟.. عند حماها بانيلهم دور فى ڤيلته بس شكل مامته مش حاباها وحاتعملهم مشاكل.. ايوه علشان كانت عنيها على بنت صاحبتها والولد رفض.. و...!
وتستمر حالة النم على خلق الله من المعازيم حتى يعلنوا عن البوفيه.. وساعة البطون تتوه العقول وننسى دايت البروكلى والاناناس والديتوكس والچيم وتتملى الأطباق من ما لذ وطاب، وقال إيه النهارده بالصدفة اليوم الفرى فى الدايت!. وبعد البوفيه يبتدى النم على أصناف الأكل والفيليه اللى مش مستوى والمحشى اللى خلطته ناقصها ملح.
ونقوم ونشفط بطننا وناخد صورة مع العروسة والعريس وبكل بجاحة ونفاق نتمنالهم السعادة ونعمل بوز البطة علشان الصورة تطلع حلوة ونروح بيوتنا ونفضل أسبوع ننم فى التليفون على نفر نفر، وكأننا لو مانمنيناش مش حاننام هاديين مع إن لو كل واحد فهم أن من نم لك بالتأكيد حاينم عليك، كان حط لسانه جوه بوقه وبطل لت. ولو كل واحد خلاه فى حاله وركز فى نفسه وشغل نفسه بتطوير ذاته الدنيا حاتبقى بالتأكيد أفضل.. وكفانا الله وإياكم شر النم والنمامين قولوا آمين.
*فنانة حاصلة على دكتوراة فى الغناء الأوبرالى
الاتحاد يعسكر في دبي