حورية فرغلي عن تبنيها لطفل من فلسطين: "ما ينفعش أتبنى لأني مش متجوزة"
تاريخ النشر: 29th, October 2023 GMT
علقت الفنانة حورية فرغلي على فكرة نقيب المهن التمثيلية أشرف زكي تبني طفل من أبناء غزة على الفنانين، وذلك خلال مؤتمر التضامن مع فلسطين في مصر، وذلك خلال حوارها في برنامج “ET بالعربي".
حورية فرغلي: “ما ينفعش أتنبى لأني مش متجوزة”
وقالت حورية فرغلي: "ما ينفعش أتنبى لأني مش متجوزة، حاولت أتبنى قبل كده، وقالوا لي مش هينفع، لازم تكوني متجوزة، فكفلت طفلين وماتوا، وشلت الرحم من فترة وعمري في حياتي ما هيكون معايا أولاد وبعتبر كل الأطفال الصغيرين ولادي".
وحرصت حورية فرغلي علي توجية رسالة إلى شعب فلسطين: "قلبنا معاكم وبنفكر فيكم طول الوقت ومش بنتكلم غير عليكم وإن شاء الله ربنا هيعدي الأزمة دي على خير".
حورية فرغلي تدعم القضية الفلسطينية
حرصت حورية فرغلي خلال الفترة الماضية على الظهور بشكل مستمر على جميع مواقع التواصل الاجتماعي، للتعليق على الأحداث الجارية، وظهرت الفنانة حورية فرغلي في لايف عبر صفحتها الخاصة على موقع “فيس بوك” أعلنت عن مساندتها للقضية الفلسطينية وتبرعها، حيث قالت: “مساء الخير عاملين ايه، أنا طالعة علشان أقولكوا استنوني يوم الخميس إن شاء الله 26 أكتوبر في ستار بزار في الرحاب، الذوق الشرقي مع ولاء أبو الخير".
وتابعت حورية: "وسعيدة جدًا أن هكون موجودة هناك لأن كل الأرباح هتروح إن شاء الله لأهلنا وحبايبنا وإخواتنا في غزة”.
وكانت قد نشرت حورية فيديو لها تضامن مع الشعب الفلسطيني وتوجه رسالة لأهل غزة، قائلة: “أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين، الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة”.
وأردفت حورية: “أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة، حرام الأطفال اللي بتموت دي، بصراحة أنا حزينة جدًا وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي”.
المصدر: بوابة الفجر
كلمات دلالية: الفنانة حورية فرغلي الفجر الفني القضية الفلسطينية أطفا غزة حوریة فرغلی
إقرأ أيضاً:
"عايزين شوية دلع من اللي اتمنع".. فيفي عبده تشارك جمهورها تصوير "العتاولة 2"
كشفت الفنانة فيفي عبده عن مقطع فيديو من كواليس تصوير مسلسل «العتاولة 2» بطولة أحمد السقا وباسم سمرة، والذي من المقرر أن يشارك ضمن مسلسلات رمضان 2025.
وعلقت فيفي عبده على الفيديو مازحة: «من التصوير النهارده يا جماعة نهارنا ابيض إن شاء الله، وهبدأ اتواصل معاكم وبحبكم أوي 5 مواه، و5 يالا بقى، عايزين شوية دلع من اللي اتمنع، مش كله كده بقى، بحبكم، ويالا يا ميدو نتقابل في الليدو، اشوفكم على خير».
أبطال مسلسل “العتاولة 2”
مسلسل "العتاولة 2" يشارك فى بطولته نخبة كبيرة من النجوم من بينهم أحمد السقا، طارق لطفي، زينة، باسم سمرة، مصطفى أبو سريع، وآخرين من الفنانين المشاركين فى الجزء الأول، بالإضافة إلى نجوم آخرين قد إنضموا مؤخرًا الجزء الثاني، العتاولة من تأليف مصطفى جمال هشام، إخراج أحمد خالد موسى وإنتاج " سيدارز آرت برودكشن " صّباح إخوان.
محافظ المنيا يشهد انطلاق الملتقى الأول للمبدع الصغير