المتغطي بالأمريكان عريان.. محمد موسى منفعلا: متى تستيقظ الأمة
تاريخ النشر: 28th, October 2023 GMT
انفعل الإعلامي محمد موسى، على الهواء موجها رسالة قوية إلى كل العرب، متسائلا: يا كل العرب متى تستيقظ الأمة؟.. هل هيفضل بعضكم فاكر وواهم نفسه أنه متغطي بأمريكا والغرب.. لأ يا حبيبي أنت وهو المتغطي بالأمريكان عريان وللأسف كلكم تحت التقسيم وبسهولة شديدة هيتم ده لو مفوقتوش لأن بلادكم كلها فيها قواعد عسكرية أمريكية وغربية ومصر الدولة الوحيدة الخالية من القواعد دي ومصر الوحيدة هي الدولة القادرة علي حمايتكم وحماية شعوب المنطقة العربية".
وأضاف محمد موسى خلال تقديم برنامج "خط أحمر" على قناة الحدث اليوم، أنا بفكر الكل بمستقبله اللي جاي واللي أصبح قيد التنفيذ بالقوة... اللي بيحصل في قطاع غزة المحتلة ليس إلا أنه نقطة بداية المخطط وجر الجميع لأتون لا يعلمه إلا الله".
تابع، طول ما العرب كل واحد فيهم بيدور علي مصلحته ومش فاهم أن هو ده المخطط.. وهو تفتيت المواقف العربية وعدم التوحد فأبشروا بالتقسيم بالقوة.. وبكل صراحة مصر مش هتواجه المخطط لوحدها ومش هتحارب بالوكالة.. كلكم لازم تكونوا في قلب الحدث وإلا هتكون شعوبكم ضحية تفكير محدود وغير مدروس".
المصدر: بوابة الفجر
كلمات دلالية: قواعد عسكرية المنطقة العربية خط أحمر الإعلامي محمد موسى قواعد عسكرية أمريكية
إقرأ أيضاً:
إعلامي: مشاركة منشور من مصدر مجهول مساهمة فى هدم الدولة
حذر الإعلامي محمد موسى، رواد السوشيال ميديا من الانجراف وراء نشر الأخبار الكاذبة دون التحقق من صحتها، موضحا: "مينفعش أبداً أي بوست الاقيه علي الفيسبوك ولا تيك توك أروح معلق عليه وعامل لايك ومشيره،الشير لبوست من البوستات المشكوك في مصادرها مساعدة في هدم البلد وانهيار الاقتصاد وإساءه لسمعة الدولة .
وأضاف محمد موسى خلال تقديم برنامج "خط أحمر" على قناة الحدث اليوم،: "خلينا دايماً فاكرين إن مخططات هدم مصر لم تنتهى ومستمرة من جانب مخططي حروب الجيل الرابع والخامس التي تستهدف الدولة علي كافة الأصعدة.
وتابع: دايماً وحضرتك جاي تشير بوست من أي حساب فكر في الكلام المكتوب فيه وفكر في اللي حصل في بلدنا في 25 يناير 2011 وإزاي الشائعات كانت بطل المشهد وأثرت في تخريب بلدنا وفكر في خسائرنا اللي بندفع تمنها لحد دلوقتي".
وأضاف"مينفعش أي حد يكتب أي كلمتين عن جيشنا وأحنا نروح نعلق ونشير من غير ما نفكر أن الهدف من ورا ده هو الطعن في جيشنا وعشان إحنا جيشنا هو جيش الشعب وعقيدته حماية الشعب ومقدرات الشعب هما عايزين دايماً يوقعوا بين الشعب والجيش وده بعينهم .. مش هيحصل أبداً لأن شعب مصر كله جيشها وجيشها هو شعبها .. دي عقيدة بخلطة مصرية حصرية مش موجودة بأي بلد في الدنيا غير في مصر" .
الشلف.. وفاة شخص اختناقا بالغاز ببوقادير