عمرو أديب عن قرار إعتذار محمد سلام عن مسرحيه "زواج إصطناعي": لا أحد يزايد على موقف السعودية
تاريخ النشر: 26th, October 2023 GMT
انتقد الإعلامي عمرو أديب إعتذار الفنان محمد سلام، عن عدم مشاركته في مسرحية زواج اصطناعي، التي من المقرر تقديمها ضمن موسم الترفيه بالمملكة العربية السعودية، وذلك عبر صفحته الشخصية موقع التدوينات الصغيرة "تويتر".
وكتب عمرو أديب علي صفحته الشخصية: "إليكم موقفي بشكل واضح ومباشر، أحترم جدًا مشاعر كل إنسان حزين محطم مما يحدث الآن، فنحن في كارثة إنسانية، ولكن بشكل واضح لا أحد يزايد على موقف السعودية، لا أحد يزايد على جهود الأمير محمد بن سلمان، لا أحد يقلل من مشاعر المواطن السعودي".
ويذكر ان أعلن الفنان محمد سلام التضامن مع شعب فلسطين، ودعم القضية الفلسطينية، وذلك عبر صفحته الشخصية موقع تبادل الصور والفيديوهات "إنستجرام".
محمد سلام يعلن تضامنه مع فلسطين
ونشر محمد سلام مقطع فيديو له يتحدث من خلال قائلا: "السلام عليكم، إن شاء الله المفروض بكرة أعرض مسرحية "زواج اصطناعي" في الرياض، المفروض إن هي مسرحية كوميدية وفيها أغاني واستعراضات، والمفروض إن إحنا هنعرض يوم 30 ونعرض في وسط الأحداث اللي بتحصل في غزة".
وأضاف "سلام": "أنا مش متخيل الصراحة إن هروح وأعمل مسرحية وأهزر وأغنية وأرقص وأخواتنا في فلسطين عمالين يتقتلوا ومفيش حاجة بتحصلهم وانا مش هقدر أسافر طبعا".
وكشف محمد سلام، عن سبب رفض سفره في هذه اللحظة قائلا: "ليه بقول الكلام ده في آخر لحظة المفروض إن إحنا نسافر بكرا إن شاء الله، في الوقت اللي الناس فيه عمالة تموت ومفيش حاجة بتحصل ف انا إزاي هروح أعرض والناس بتحصلهم كده في فلسطين".
وتابع حديثه قائلا: "سامحوني لو إحساسي مبالغ بس أنا حاسس لو عملت كده هبقا زي اللي بقتلهم بظبط إني خذلتهم مش عارف أعملهم حاجة كفاية علينا السكوت اللي إحنا في كلنا، وكمان أنا مش هبقا ساكت بس ده أنا بهزر وبرقص واللي بيحصل بيحصل في فلسطين وانا بعتذر جدا إن أشارك في موسم الرياض".
واستكمل محمد سلام حديثه قائلا: "المشكلة إن اللي بيحصل في فلسطين ده قضية كل مسلم في المقام الأول، لذلك واجب علي كل المسلمين إن هما يساعدو إخوانهم في غزة ويقدملهم اي مساعدة وانا دلوقتي مفيش اي حاجة أقدر أعملها زي زي ناش كتير جدا نفسنا تعمل حاجة ونساعد ومش قادرين نعملهم حاجة، ودلوقتي لو ربنا توفانا ونتسأل كلنا إنت ساعت أخوك المسلم في فلسطين عملتله ايه،اللي مقدرش يعمل حاجة هيسكت طبعا، وأنا هرد هقول ايه!؟ هقول إن الوقت اللي كان في اخواتنا الفلسطينين بيضربوا ويموتوا منهم الأطفال والنساء، انا كنت بعمل مسرحية كوميدية بضحك الناس وبرقص وبغني، طبعا لأ مش هقدر أعمل كده".
وأكمل: "وأنا كان عندي أمل المهرجان يتأجل أو يتلغي ولكن المهرجان مزال قائم مليش علاقة ليه مزال قائم مش هدخل فيها ولكن أنا مش هقدر أكون جزء من اللي بيحصل واقدر أشارك في المهرجان ده والمفروض إن إحنا منكتفيش بالدعاء لإخواتنا في فلسطين معرفش ايه اللي يحصل بس المفروض نعمل حاجة تانية".
وأضاف محمد سلام: "الفيديو ده مش مقصود منه حاجة خالص غير إن أنا فعلا في مشكلة انا بقالي كتير جدا مش عارف اسافر ولا اعمل ايه وامبارح كنت قاعد مع أصدقائي فنانين وفعلا في ناس قالتلي اسافر ده مصدر رزقك وفعلا التمثيل ده رزقي وزق أولادي واللي بصرف عليه من البيت هو التمثيل وأنا لو مسافرتش هل هموت من الجوع اكييد لاء بس الناس هي اللي بتموت هناك في غزة".
واختتم حديثه قائلا: "ولو حد هاجمني عن التمثيل وقال إن ده رسالة أنا معاك في ده وان من ادخل البهجة علي قلب مؤمن له أجر طبعا ولكن السؤال مين اللي محتاجين إن ندخل البهجة علي قلبه دلوقتي!؟".
المصدر: بوابة الفجر
كلمات دلالية: الفجر الفني الفنان محمد سلام محمد سلام فی فلسطین لا أحد
إقرأ أيضاً:
محمد بن راشد: تهانينا للمحتفلين بأعياد الميلاد المجيد.. كل عام والعالم في سلام ووئام
هنأ صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي «رعاه الله»، جميع المحتفلين بأعياد الميلاد المجيد.
وقال سموه عبر منصة إكس: «تهانينا لجميع المحتفلين بأعياد الميلاد المجيد.. كل عام وأنتم بخير.. وكل عام والعالم في سلام ووئام.. وكل عام والجميع في خير وازدهار».
جامعة حلوان تكشف حقيقة بيع كلية الفنون التطبيقية