ديانا كرزون عن أحداث غزة: مايحدث لا يستوعبه عقل وسلاحنا هو السوشيال ميديا (فيديو)

عبرت الفنانة ديانا كرزون، عن حزنها الشديد، بسبب الأحداث الجارية في فلسطين، وسقوط العديد من الشهداء الأبرياء جراء قصف الاحتلال الإسرائيلي، على قطاع عزة.

تصريحات ديانا كرزون

وقالت ديانا كرزون، خلال لقاء تلفزيوني لها: «الأحداث اللي بتحصل في غزة مش بيستوعبها العقل، المشاعر صعبة جدا، مشاعر غضب وحزن وخيبة أمل، والسلاح القوي بالنسبالنا هو السوشيال ميديا عشان نبين للناس وللعالم إيه اللي بيحصل في فلسطين، وكرسنا حساباتنا بالقدر الممكن عشان نقدر ننقل إيه اللي حصل في فلسطين، وعشان نقدر نكذب الأخبار الكاذبة اللي بتطلع».

عرض هذا المنشور على Instagram

تمت مشاركة منشور بواسطة diana karazon ديانا كرزون???? (أم راشد) (@dianakarazonw)

وتابعت: «بقول للناس أنا فنانة بس دلوقتي أنا زيي زيكم، أنا مجندة وكل شخص المفروض دلوقتي مفيش حاجة قدامه غير الدعاء، وإنه يستخدم السوشيال ميديا بتاعته ويحس نفسه مراسل وصحفي ويحس إنه موجود في الموقع نفسه، والتأثير مش بس للفنانين كمان للاعبين الكرة والمشاهير، وبعتقد كل شخص دلوقتي هو مراسل».

وأضافت ديانا كرزون: «مينفعش نقول ما هي فلسطين طول عمرها كدة وطول عمر الأم بتفقد بالـ 3 و4 أطفال، وساعات كان ييجي ضرب على غزة يومين تلاتة وننسى ونرجع نعيش حياتنا، لكن اللي بيحصل دلوقتي مش مسموح بأي دين بالعالم».

واختتمت حديثها، موجهةً رسالة إلى الأمهات الفلسطينيات الذين فقدن أولادهن، قائلةً: «مشاهد الأمهات في فلسطين صعبة وبقول للأم دي قد إيه إنتي امرأة قوية ومفيش حاجة توصف المرأة الفلسطينية، هي جبارة، ربنا يصبر قلوبهم، وبقول للأمهات ربنا معاكم ويعطيكم القوة والصبر، وولادكم طيور بالجنة».

اقرأ أيضاًديانا كرزون تطرح أغنية جديدة بعنوان «الهوية أردنية» | فيديو

زفاف ولي العهد الأردني.. الملكة رانيا تعيد نشر أغنية «قمر حزيران» لملحم زين

المصدر: الأسبوع