غزة تنهار| محمد سلام يعتذر عن موسم الرياض.. تفاصيل

تصدر الفنان محمد سلام ترند مواقع التواصل الاجتماعي خلال الساعات القليلة الماضية، وذلك بعد أن خرج بتقنية البث المباشر على الجمهور من خلال حسابة الخاص بموقع تبادل الصور والفيديوهات الشهير انستجرام.

محمد سلام محمد سلام يرفض المشاركة بموسم الرياض

وأعلن محمد سلام، عدم مشاركته في المسرحية التي كان سوف يشارك فيها خلال موسم الرياض، الذي من المقرر أن ينطلق يوم 28 أكتوبر المقبل.

وقال محمد سلام، خلال الفيديو: "المفروض أني كنت أسافر بكرة للسعودية عشان استعد للمشاركة في مسرحية (زواج اصطناعي) واللي من المفروض أنها تتعرض في موسم الرياض وبالتحديد يوم 30 أكتوبر، والمسرحية كوميدية استعراضية يعني فيها ضحك ورقص وأغاني والمفروض أننا نعرض في وسط الأحداث اللي شغالة في غزة وأخواتنا شغالين يموتوا وبيتقتلوا".

وأضاف: "ليه بقول الكلام ده في آخر لحظة والمفروض أسافر بكرة، لأن كان عندي أمل أن موسم الرياض يتأجل زي ما حصل في مصر سواء في مهرجان الجونة السينمائي أو مهرجان القاهرة السينمائي، بس حتى الآن مفيش حاجة بتحصل والناس بتموت في غزة".

نجم الزمالك السابق: أتمنى عدم الطعن على نتيجة الانتخابات ضياء رشوان: يجب وقف إطلاق النار فورا دون قيد في فلسطين غزة تعاني من بطش الاحتلال

وتابع: "طب أنا دلوقتي إزاي هروح أعرض والناس بتموت هناك.. أنا حاسس أني لو عملت كده هكون زي اللي بيقتلهم بالظبط، يعني مش كفاية السكوت اللي إحنا فيه وشايفيننهم بيموتوا لكن كمان أروح أغني وأرقص واللي بيحصل بيحصل في فلسطين".

واستكمل: "عشان كده أنا بعتذر عن المشاركة في فعاليات الرياض لأن قضية فلسطين دي قضية كل المسلمين والمفروض واجب علينا مساعدة أخواتنا في غزة، لكني زي ناس كتير مش عارفين نعمل حاجة".

محمد سلام محمد سلام يسأل الجمهور ماذا سأقول لربي؟

وأضاف الفنان محمد سلام: "طب دلوقتي لما  نموت وربنا يسألنا ساعدنا أخواتنا في فلسطين إزاي..  اللي معملش حاجة هيسكت لكن أنا أقول إيه.. أقول أني كنت بقدم مسرحية كوميدية وبغني وبرقص وأخواتنا في غزة بيموتوا ويتدبحوا نساء وأطفال".

واختتم: "كان عندي أمل موسم الرياض يتلغي أو يتأجل لكن ده محصلش ومعرفش ليه.. طيب لو أنا مسافرتش هموت من الجوع، طبعا لاء لكن أخواتنا هناك اللي بيموتوا.. عارف أن الفن رسالة لكن مش هقدر أعمل كده".

المصدر: صدى البلد